លោក ខៀវ កញារីទ្ធ រដ្ឋមន្រ្តីក្រសួងព័ត៌មាន នៅថ្ងៃទី២៧ ខែមេសា ឆ្នាំ២០២០ នេះ បានសម្រេចលុបចោលអាជ្ញាបណ្ណសារព័ត៌មានរបស់លោក ចាន់ ឫទ្ធី ចាងហ្វាងសារព័ត៌មាន ចក្រវាឡ CKV TV Online ដោយសារតែ  ម្ចាស់ អាជ្ញាប័ណ្ណ ធ្វេី សកម្មភាព យកព័ត៌មាន  និង  ផ្សព្វផ្សាយ ព័ត៌មាន រំលោភ យ៉ាង ធ្ងន់ធ្ងរ  ខាងផ្នែក វិជ្ជាជីវៈ អ្នកសារព័ត៌មាន  នាំអោយប៉ះពាល់ដល់ សណ្ដាប់ធ្នាប់ សារធារណៈ  និង  បានបំពានលេីកិច្ចសន្យាជាមួយ ក្រសួងព័ត៌មាន។

សូមជម្រាបផងដែរថា លោក ចាន់ ឫទ្ធី ធ្លាប់ត្រូវបានក្រសួងព័ត៌មាន ហៅទៅព្រមាន២ដង រួចមកហើយ នាពេលកន្លងទៅ ហើយកាលពីវេលាម៉ោង១០ព្រឹកថ្ងៃទី២៥ ខែមេសា ឆ្នាំ២០២០ លោក ចាន់ ឫទ្ធី ចាងហ្វាងសារព័ត៌មាន ចក្រវាឡ CKV TV Online បានធ្វើការ Live ដោយដាក់ចំណងជើងថា៖ «ផ្លូវលេខ១៩ សង្កាត់ចោមចៅទី១ ខណ្ឌពោធិ៍សែនជ័យរាជធានីភ្នំពេញ ខាងក្រោយផ្សារត្រពាំងថ្លឹង ផ្ទះលក់កាហ្វេ ជំទាស់មិនអោយខាងមន្ទីរពេទ្យសាងសង់ឡើងលើបន្តទេ ទាំងខាងកាហ្វេ សាងសង់បាន។ ហើយខាងម្ចាស់ផ្ទះលក់កាហ្វេ បានប្រមូលគ្រូសារទៅវ៉ៃកំទិច ទ្រព្យសម្បត្តិ របស់មន្ទីរពេទ្យ» ដែលធ្វើឲ្យមហាជនជាច្រើន ដែលបានចូលមើលវីដេអូននោះ សម្តែងការហួសចិត្តចំពោះការធ្វើសេចក្តីរាយការណ៍ព័ត៌មាន ដែលហាក់គ្មានវិជ្ជាជីវៈនិងក្រមសីលធម៌ ទាល់តែសោះ៕SS