វីដេអូ​ត្លុក​កំប្លែង​ខ្លីៗ​ជា​ច្រើន​របស់​លោក Osita Iheme ត្រូវ​បាន​ទំព័រ​ហ្វេសប៊ុក​មួយ​ចំនួន​នៅ​ក្នុង​ស្រុក បាន​យក​មក​ច្នៃ​បញ្ចូល​សំឡេង បង្កើត​បាន​ជា​ភាព​អស់​សំណើច​សឹង​តែ​គ្រប់​វីដេអូ តាម​រយៈ​សកម្មភាព​និង​ការ​បិនសម្តែង គួប​ផ្សំ​ក្រុម​អ្នក​បញ្ចូល​សំឡេង​ជា​ភាសាខ្មែរ​ក៏​ប្រសព្វ​ថែម​ទៀត​នោះ។បុរស​តឿ​ដែល​គ្រប់​គ្នា​រមែង​ហៅ​ថា ‘អា​ក្លូ’ តាម​ពិត​លោក​ជា​តារា​សម្តែង​អាជីព​មួយ​រូប​របស់​ប្រទេស​នីហ្សេរីយ៉ា ដែល​ទូទាំង​សកលលោក​គេ​ហៅ​រហ័ស​នាម​លោក​ថា ‘Pawpaw’ ដែល​ក្រៅ​ពី​អាជីព​ជា​តារា​កំប្លែង ទៀត​សោត​ក៏​ដូច​ជា​អ្នក​និយាយ​បំផុស​លើក​ទឹកចិត្ត​មួយរូប សហគ្រិន និង​អ្នក​បម្រើ​ការ​លើ​ប៉ុស្តិ៍​ទូរទស្សន៍​មួយ​ទៀត​ផង។

បុរសស្បែកខ្មៅមាឌល្អិតម្នាក់នេះ មានឈ្មោះពិតថា Osita Iheme កើតថ្ងៃទី 20 ខែកុម្ភៈឆ្នាំ 1982 គឺជាតារាសម្ដែងល្បីឈ្មោះរបស់ប្រទេសនីហ្សេរីយ៉ា។ គាត់ត្រូវបានគេស្គាល់ជាទូទៅសម្រាប់ការដើរតួ ជាប៉ាវប៉ាវ នៅក្នុងខ្សែភាពយន្តAki na Ukwa រួមជាមួយ Chinedu Ikedieze។ គាត់គឺជាស្ថាបនិកនៃចលនាបំផុសគំនិតអាហ្វ្រិកដែលគាត់បានបង្កើតឡើងដើម្បីជំរុញលើកទឹកចិត្តនិងបំផុសគំនិតរបស់យុវជននីហ្សេរីយ៉ា និងអាហ្វ្រិក ឲ្យចេះងើបឡើងតស៊ូក្នុងជីវិតនិងសម្រេចនូវក្តីសុបិន្តរបស់ខ្លួន។

នៅក្នុងឆ្នាំ 2007 Osita Iheme បានទទួលពានរង្វាន់សមិទ្ធផលពេញមួយជីវិតនៅឯពានរង្វាន់ភាពយន្តអាហ្វ្រិក។ គាត់ត្រូវបានគេចាត់ទុកជាតារាសំដែងដ៏ល្បីល្បាញម្នាក់របស់នីហ្សេរីយ៉ា។ ក្នុងឆ្នាំ 2006 គាត់ត្រូវបានគេផ្ដល់កិត្តិយសក្នុងនាមជាសមាជិក នៃលំដាប់សាធារណរដ្ឋសហព័ន្ធ(MFR)ដោយប្រធានាធិបតីហ្គូដឡាក់យ៉ូណាថាន។

គ្រាដំបូងនៃអាជីពរបស់គាត់ Osita Iheme ត្រូវបានគេឲ្យដើតួជាកុមារ។ ក្នុងឆ្នាំ 2003 គាត់បានល្បីឈ្មោះនៅពេលដែលគាត់សម្តែងរួមគ្នាជាមួយ Chinedu Ikedieze ក្នុងខ្សែភាពយន្តកំប្លែងអាគីណាយូវ៉ា ដែលក្នុងនោះគាត់សម្ដែងជាតួ ផាភូវ៉ា នៅក្នុងរឿងនោះ Iheme ដើរតូជាក្មេងកាចម្នាក់ និងបានសម្តែងជាតូកុមារនៅក្នុងខ្សែភាពយន្តជាច្រើនរបស់គាត់ ប៉ុន្តែក្រោយមកបានទទួលយកតួនាទី ដែលមានភាពចាស់ទុំជាងមុន។ ចាប់តាំងពីពេលនោះមក គាត់បានបង្ហាញសមត្ថភាពខ្ពស់របស់គាត់ក្នុងនាមជាតារាសម្ដែង ដោយទទួលយកនាទីដែលមានភាពចាស់ទុំ និងលេចធ្លោជាងមុន ធ្វើឲ្យគាត់ទទួលបានពានរង្វាន់ដូចជាជីវិតសមិទ្ធិផលក្នុងកម្មវិធីភាពយន្តអាហ្វ្រិកឆ្នាំ 2007 និងពានរង្វាន់តារាសម្ដែងអាហ្វ្រិចវេទមន្តអ្នកជ្រើសរើសឆ្នើមប្រចាំឆ្នាំ 2014។គាត់ជាឯកអគ្គរដ្ឋទូតចំនាន់ថ្មីប្រចាំមណ្ឌលអន្តរជាតិរ៉ូតារី៩១១០ និងជាអ្នកនិពន្ធសៀវភៅ Inspired 101 ។ ខ្សែភាពយន្តរបស់គាត់ជាង 100 ខ្សែភាពយន្ត ដែលមានប្រជាប្រិយភាព និងមានមុខមាត់បំផុតមួយ នៅណូលីវូត។ គាត់បានវិវត្តទៅក្នុងអាជីពរបស់គាត់ពីរគ្រាន់តែជាតារាកំប្លែងមួយ ទៅជាតារាសំដែងដែលបានបង្កើតពហុជំនាញ ទាំងនេះបានធ្វើឲ្យគាត់ទទួលបានការគោរពនៅទូទាំងឧស្សាហកម្មភាពយន្តនីហ្សេរីយ៉ានិងជាមួយអ្នកគាំទ្រ។បើក្រឡេកមើលពីជីវិតពិតរបស់លោក គឺមិនធម្មតាឡើយ តារាស្បែកខ្មៅរូបនេះបច្ចុប្បន្នមានលុយប្រមាណជា ៣.៥ លានដុល្លារអាមេរិកនៅក្នុងដៃ និងជាអ្នកមានទ្រព្យម្នាក់នៅក្នុងប្រទេសនីស្សេរីយ៉ា ហើយភាពយន្តរបស់លោកបច្ចុប្បន្នមានរហូតទៅដល់ ២០០ រឿង, មានរថយន្តសេរីទំនើប, វីឡា និងមានសណ្ឋគាផ្ទាល់ខ្លួនតម្លៃជាង ៩០ ម៉ឺនដុល្លារផងដែរ៕PP