ភ្នំពេញ ៖ រដ្ឋបាលជលផល បានឲ្យដឹងថាការធ្វើអាជីវកម្មនេសាទគំក្រឡាហូល នៅក្នុងដែននេសាទសមុទ្រកម្ពុជា ត្រូវផ្អាកសកម្មភាព ចាប់ពីថ្ងៃទី១ ខែកញ្ញា រហូតដល់ ថ្ងៃទី៣១ ខែតុលា ឆ្នាំ២០២១ ខាងមុខ ដោយសារជារដូវពងកូនរបស់គ្រំក្រឡាហូល។

យោងតាមសេចក្ដីជូនដំណឹងរបស់ រដ្ឋបាលជល នាថ្ងៃទី១៧ ខែសីហា ឆ្នាំ២០២១ បានបញ្ជាក់ថា «សូមសាធារណជនទាំងអស់ មេត្តាជ្រាប និងចូលរួមសហការអនុវត្តតាម សេចក្តីជូនដំណឹងនេះ ដើម្បីថែរក្សាការពារធនធានជលផលសមុទ្រឱ្យបានគង់វង្សសម្រាប់កូនចៅជំនាន់ក្រោយ»៕