ភ្នំពេញ  ៖  តារាចម្រៀង ផលិតកម្មថោន លោក សុគន្ធ ថេរ៉ាយុ និងក្រុមគ្រួសារពេលនេះ  កំពុងមានទុក្ខធំ  ខណៈដែលឪពុកជាទីស្រលាញ់របស់ខ្លួន  បានទទួលមរណភាពកាលពី ថ្ងៃទី ៣០  ខែមីនា  ឆ្នាំ ២០២០ យ៉ាង សោកសៅនិងក្រៀមក្រំបំផុត។ នេះបើយោងតាម ទំព័រហ្វេសបុកផ្ទាល់ខ្លួនរបស់ លោក សុគន្ធ ថេរ៉ាយុ ។

នៅក្នុងទំព័រហ្វេសបុកនេះលោកបានសរសេរថា « វាពិតជាលឿនណាស់សម្រាប់ខ្ញុំ និងក្រុមគ្រួសារ ប៉ា បានចាកចេញពីពួក ខ្ញុំលឿនខ្លាំងណាស់សឹងតែមិនចង់ជឿសូមឲ្យប៉ាទៅកាន់សុគតិភព។ ចំពោះ ប្អូនៗ ប៉ាកុំបារម្ភខ្ញុំនឹង មើលថែប្អូនៗឲ្យបានល្អ លោកប៉ាហត់ហើយសម្រាកចុះ»។  បើតាមការប្រាប់ឲ្យដឹង   បន្ថែម , ឪពុករបស់លោកសុគន្ធថេ រ៉ាយុ បានស្លាប់ដោយរោគាពាធ ខណៈដែលបច្ចុប្បន្ន សពត្រូវបាន ក្រុមគ្រួសារចាត់ចែងរៀបចំធ្វើបុណ្យតាមប្រពៃណី នៅឯគេហដ្ឋានរបស់លោក៕