ភ្នំពេញ​ ៖​ នៅថ្ងៃទី៣១​ ខែកក្កដា​ ឆ្នាំ២០២៣នេះ​ មន្ទីពេទ្យគន្ធបុប្ផា​ បានប្រកាសថា​ បានជួយសង្រ្គោះជីវិតកុមារីអាយុ៩ឆ្នាំម្នាក់ បន្ទាប់ពីក្រុមគ្រូពេទ្យបានខិតខំប្រឹងប្រែងយកចិត្តទុកដាក់ខ្ពស់ជាមួយនិងការប្រើប្រាស់ឈាមប្លាស្មារហូតដល់១៦ប្លោក។

តាមរយៈគេហទំព័រហ្វេសប៊ុក​ របស់​ មូលនិធិគន្ធបុប្ផា​ នាថ្ងៃទី៣១​ កក្កដា​ នេះថា​ សូមប្រុងប្រយ័ត្នជំងឺគ្រុនឈាមនៅរដូវវស្សា។ មុនមកដល់មន្ទីរពេទ្យគន្ធបុប្ផាកុមារី៩ឆ្នាំរូបនេះមានស្ថានភាពធ្ងន់ធ្ងរបំផុតរហូតត្រូវធ្វើការព្យាបាលទៅ ៤៨ម៉ោងនៅក្នុងបន្ទប់សង្រ្គោះបន្ទាន់។

ប្រភពដដែល​ បានបញ្ជាក់ថា​ ការជួយសង្រ្គោះជីវិតកុមារី៩ឆ្នាំរូបនេះ ក៏ដូចជាកុមាររាប់ពាន់នាក់ដ៏ទៃទៀតដែលកំពុងសម្រាកព្យាបាលនៅមន្ទីរពេទ្យគន្ធបុប្ផាពីមាត់ទ្វារមច្ចុរាជ ត្រូវបានធ្វើឡើងដោយឥតគិតថ្លៃ និងមិនមានការរើសអើងនោះឡើយ។

លេីសពីនេះ​ មូលនិធិគន្ធបុប្ផា​ ក៏បានអំពាវនាវដល់​សប្បុរសជន​ នានាចូលរួមបរិច្ចាគនូវថវិកា​ ដើម្បីរួមគ្នាសង្រ្គោះជីវិតកុមារជាមួយមូលនិធិគន្ធបុប្ផាកម្ពុជា តាមរយៈ តំណខាងក្រោមនេះ ក្នុងស្មារតី “ខ្មែរជួយខ្មែរ”៕