BREAKING:រុស្ស៊ីអះអាងថា អ៊ុយក្រែនប្រើប្រាស់យន្តហោះគ្មានមនុស្សបើកពីរគ្រឿងឆ្ពោះទៅកាន់វិមានក្រឹមឡាំងប៉ុនប៉ងសម្លាប់ប្រធានាធិបតី វ្ល៉ាឌីមៀ ពូទីន
BREAKING: រុស្ស៊ីអះអាងថា ពេញមួយយប់ អ៊ុយក្រែនបានកំណត់គោលដៅលើវិមានក្រឹមឡាំង ក្នុងការប៉ុនប៉ងវាយប្រហារដោយយន្តហោះគ្មានមនុស្សបើកលើលោកប្រធានាធិបតី ពូទីន ។ នេះបើតាមសេចក្តីរាយការណ៍ដោយទីភ្នាក់ងារសារព័ត៌មាន CNN នារាត្រីថ្ងៃទី០៣ ខែឧសភា ឆ្នាំ២០២៣នេះ។
រុស្ស៊ីអះអាងថា អ៊ុយក្រែនបានកំណត់គោលដៅលើលោក Putin ក្នុងការប៉ុនប៉ងវាយប្រហារដោយយន្តហោះគ្មានមនុស្សបើក។ទីក្រុងមូស្គូបានចោទប្រកាន់អ៊ុយក្រែនថាបាន ប្រើប្រាស់យន្តហោះគ្មានមនុស្សបើកពីរគ្រឿងឆ្ពោះទៅកាន់វិមានក្រឹមឡាំង ក្នុងអ្វីដែលខ្លួនអះអាងថាជាការប៉ុនប៉ងសម្លាប់ប្រធានាធិបតី វ្ល៉ាឌីមៀ ពូទីន។
ទោះយ៉ាងណា អ្នកនាំពាក្យវិមានក្រឹមឡាំង លោក Dmitry Peskov បាននិយាយថា ប្រធានាធិបតីរុស្ស៊ីមិននៅក្នុងអគារនៅពេលនោះ។ វិមានក្រឹមឡាំងបានបន្ថែមថា ការវាយប្រហារនេះត្រូវបានរារាំងដោយប្រព័ន្ធការពារដែនអាកាស។ ប្រព័ន្ធផ្សព្វផ្សាយរដ្ឋ RIA Novosti បានរាយការណ៍ថា៖ «គ្មានអ្នកណាម្នាក់រងរបួសដោយសារការដួលរលំនិងបំណែកដែលខ្ចាត់ខ្ចាយនោះទេ។
គួរបញ្ជាក់ថា អ៊ុយក្រែនមិនបានធ្វើអត្ថាធិប្បាយលើការចោទប្រកាន់របស់រុស្ស៊ីនោះឡើយ៕ PP
