ក្រសួងធនធានទឹក និងឧតុនិយម អំពាវនាវអោយប្រជាពលរដ្ឋ បន្តប្រុងប្រយ័ត្នខ្ពស់ ចំពោះ បាតុភូត ផ្គរ រន្ទះ ខ្យល់កន្ត្រាក់ ។ ការអំពាវនាវនេះបន្ទាប់ពីក្រសួង សង្កេតឃើញថាកម្ពុជា នៅតែទទួលរងឥទ្ធិពលពីជ្រលងសម្ពាធទាប។

ក្រសួងធនធានទឹក និងឧតុនិយម បញ្ជាក់បន្ថែមផងទៀតថា បណ្តាលខេត្តនានា នឹងអាចមានភ្លៀងធ្លាក់ រាយប៉ាយនៅក្នុងកម្រិតពីតិចទៅបង្គួរ ក្នុងនោះមានផ្នែកខ្លះមានភ្លៀងធ្លាក់ច្រើន។

សូមរំលឹកថា បន្ទាប់ពីក្រសួងធនធានទឹក និងឧតុនិយម បានចេញសេចក្តីជូនព័ត៌មានរបស់ខ្លួនកាលពីថ្ងៃទី០១មេសា កន្លងទៅ  ថាមានកម្ពុជានឹងទទួលរងឥទ្ធិពលពីជ្រលងសម្ពាធទាបខ្យល់បក់មកពីប្រទេសចិន  ជាក់ស្តែងយើងសង្កេតឃើញថា បណ្តាលខេត្តមួយចំនួន​ ដូចជា បាត់ដំបង ឧត្តរមានជ័យ បានរងគ្រោះដោយសារតែបាតុភូតភ្លៀងលាយឡំខ្យល់កន្ត្រាក់ ធ្វើអោយខូចខាតផ្ទះសំបែងរបស់ប្រជាពលរដ្ឋជាច្រើនខ្នង។​ហេតុដូចនេះ តាមរយៈសេចក្តីអំពាវនាវរបស់ក្រសួងធនធានទឹក និងឧតុនិយម ដែលបានចេញនៅថ្ងៃទី ០៧ ខែមេសា ឆ្នាំ២០២០នេះ សូមប្រជាពលរដ្ឋបង្កើនការប្រុងប្រយ័ត្នខ្ពស់ ចំពោះបញ្ហាបម្រែបម្រួលអាកាសធាតុនេះ៕ PP

សូមអានលំអិតបន្តនៅខាងក្រោមនេះ ៖