(អន្តរជាតិ)៖ ប្រធានាធិបតីកូឡំប៊ី លោក Gustavo Petro បានប្រកាសថា កុមារជនជាតិដើមភាគតិច ៤នាក់ ដែលបានបាត់ខ្លួនអស់រយៈពេលជាងមួយខែនៅក្នុងព្រៃអាម៉ាហ្សូនរបស់ប្រទេសកូឡុំប៊ី បន្ទាប់ពីធ្លាក់យន្តហោះតូចមួយត្រូវបានរកឃើញទាំងនៅរស់រានមានជីវិត។នេះបើយោងតាមការចុះផ្សាយរបស់សារព័ត៌មានCNA នៅថ្ងៃទី ១១ ខែមិថុនា ឆ្នាំ២០២៣។

ប្រធានាធិបតីកូឡំប៊ី បានសរសេរនៅលើ Twitter ថា «លោករីករាយសម្រាប់ប្រទេសទាំងមូល! កុមារ ៤នាក់ដែលបានបាត់ខ្លួនកាលពី ៤០ ថ្ងៃមុននៅក្នុងព្រៃកូឡុំប៊ីត្រូវបានរកឃើញនៅរស់»។លោក Petro បានប្រាប់សារព័ត៌មាននៅទីក្រុង Bogota ថា «ពួកគេមានសុខភាពខ្សោយណាស់»។ 

គួរបញ្ជាក់ថា កុមារដើមកំណើតមកពីក្រុមជនជាតិដើមភាគតិច Uitoto ដែលមានអាយុ ១៣ឆ្នាំ ៩ឆ្នាំ ៤ឆ្នាំ​និងមួយឆ្នាំ បានវង្វេងនៅក្នុងព្រៃចាប់តាំងពីថ្ងៃទី០១ ខែឧសភានៅពេលដែលយន្តហោះ Cessna 206 ដែលពួកគេបានធ្វើដំណើរបានធ្លាក់។ក្នុងនោះ សាកសពមនុស្សពេញវ័យបីនាក់ដែលនៅជាមួយពួកគេ ម្តាយ អ្នកបើកបរយន្តហោះ និងសាច់ញាតិម្នាក់ ត្រូវបានរកឃើញនៅទីតាំងធ្លាក់ដោយកងទ័ព។

សូមជម្រាប់ថា ការស្វែងរកនេះ បានប្រើកម្លាំងទាហាន ១៦០ នាក់ និងជនជាតិដើមភាគតិច ៧០នាក់ដែលមានចំណេះដឹងស្និទ្ធស្នាលអំពីព្រៃបានដំណើរការតាំងពីក្មេងមកម្ល៉េះ ដោយទទួលបានការចាប់អារម្មណ៍ជាសកល។តំបន់នេះជាជម្រករបស់សត្វខ្លា ពស់ ក៏ដូចជាក្រុមរត់ពន្ធគ្រឿងញៀន ប្រដាប់អាវុធ ប៉ុន្តែតម្រុយដែលកំពុងបន្ត  ស្នាមជើង ក្រណាត់កន្ទបទារក ផ្លែឈើបរិភោគបានពាក់កណ្តាល នាំឱ្យអាជ្ញាធរជឿថា ពួកគេកំពុងដើរតាមដានរបស់ក្មេងៗទាំងនោះ៕