នៅថ្ងៃទី ២១ ខែមករា​ ឆ្នាំ ២០១៩ Cristiano Ronaldo នឹងត្រូវកាត់ទោសពីបទក្លែងបន្លំ និងផ្តន្ទាទោសរយៈពេលពីរឆ្នាំរួមជាមួយការផាកពិន័យ ២ 2.៣ លានដុល្លារ។

កាលពី​ខែកក្កដាឆ្នាំនេះ កីឡាករជនជាតិព័រទុយហ្គាល់ អាយុ៣៣ឆ្នាំរូបនេះបានយល់ព្រមជាមួយនឹងអាជ្ញាធរអេស្ប៉ាញដើម្បីបង់ប្រាក់ពិន័យ​ និងទទួលយកការកាត់ទោសជាប់ពន្ធនាគាររយៈពេល ២ ឆ្នាំបន្ទាប់ពីរតនាគារជាតិអេស្ប៉ាញបានចោទប្រកាន់ Ronaldo ថាមិនបានបង់ប្រាក់ ១៦.២ លានដុល្លារលើប្រាក់ចំណូលរូបភាពរបស់គាត់នៅចន្លោះឆ្នាំ ២០១១ និងឆ្នាំ ២០១៤ ។

ទោះជាយ៉ាងណាក៏ដោយកីឡាករខ្សែប្រយុទ្ធរបស់ក្លឹប Juventus នេះនឹងមិនត្រូវជាប់ពន្ធនាគារនោះទេ​ ប៉ុន្តែត្រូវតែអោយបង់ប្រាក់ពិន័យយ៉ាងធ្ងន់ធ្ងរបន្ទាប់ពីបានឈានដល់កិច្ចព្រមព្រៀងមួយស្តីពីការចោទប្រកាន់ពីការគេចវេសនេះ។គាត់នឹងត្រូវបានកាត់ទោសនៅថ្ងៃទី ២១ ខែមករានៅឯតុលាការទីក្រុងម៉ាឌ្រីត​ ប៉ុន្តែប្រភពជាច្រើនបាននិយាយថាខ្សែប្រយុទ្ធព័រទុយហ្កាល់រូបនេះនឹងមិនត្រូវបានគេតម្រូវឱ្យចូលរួមក្នុងសវនាការឡើយ ហើយជំនួសមកវិញអាចរៀបចំដើម្បីទទួលការកាត់ទោសដោយសន្និសីទវីដេអូ។

សវនាការរបស់ Ronaldo ត្រូវបានកំណត់ពេលវេលាម៉ោង ៩:៥០ ព្រឹកម៉ោងក្នុងស្រុកហើយគាត់ត្រូវបានគេចោទប្រកាន់ពីបទក្លែងបន្លំពន្ធចំនួនបួនដង។