(ចិន)៖ ប្រធានាធិបតីឥណ្ឌូនេស៊ី លោក ចូកូ វីដូដូ នឹងធ្វើទស្សនកិច្ចទៅកាន់ប្រទេសចិន ចាប់ពីថ្ងៃទី ២៥ ដល់ថ្ងៃទី ២៦ ខែកក្កដា។នេះបើយោងតាមការចុះផ្សាយរបស់សារព័ត៌មានCNA នៅថ្ងៃទី២១ ខែកក្កដា ឆ្នាំ២០២២។

លោក Wang Wenbin បាននិយាយនៅក្នុងសន្និសីទសារព័ត៌មានជាទៀងទាត់ថា លោក Widodo បានទទួលការអញ្ជើញពីប្រធានាធិបតីចិន Xi Jinping សម្រាប់ការធ្វើដំណើរនេះ ហើយលោកWidodo នឹងជួបប្រជុំជាមួយ Xi និងជាមួយនាយករដ្ឋមន្ត្រី Li Keqiang សម្រាប់ការផ្លាស់ប្តូរទស្សនៈស៊ីជម្រៅ។

ក្រៅពីព្រឹត្តិការណ៍កីឡាអូឡាំពិករដូវរងា ទីក្រុងប៉េកាំងមិនបានធ្វើជាម្ចាស់ផ្ទះសម្រាប់មេដឹកនាំបរទេសណាម្នាក់ជាបុគ្គលទេ ចាប់តាំងពីវិធានការព្រំដែនត្រូវបានដាក់ឱ្យអនុវត្តក្នុងឆ្នាំ ២០២០ ក្រោយការផ្ទុះឡើងនៃជំងឺកូវីដ-១៩។

បច្ចុប្បន្ន ប្រទេសឥណ្ឌូនេស៊ីកាន់តំណែងជាប្រធានាធិបតី G20 ហើយនឹងធ្វើជាម្ចាស់ផ្ទះនៃកិច្ចប្រជុំកំពូល G20 នៅឆ្នាំនេះនៅកោះបាលីនៅពាក់កណ្តាលខែវិច្ឆិកា៕SP