ឡាវ៖ ក្រសួងសន្តិសុខសាធារណៈឡាវ បានប្រគល់ជនសង្ស័យពាក់ព័ន្ធនឹងការឆបោកតាមអ៊ីនធឺណិតចំនួន១៦៤នាក់ ទៅប៉ូលិសចិនកាលពិថ្ងៃចន្ទទី១១កញ្ញា នៅអាកាសយានដ្ឋានអន្តរជាតិ Wattay ក្នុងរដ្ឋធានីវៀងចន្ទន៍។យោងតាមទស្សនាវដ្តីសន្តិសុខឡាវចេញផ្សាយនៅថ្ងៃទី ១២ ខែកញ្ញ ឆ្នាំ២០២៣។
ជនសង្ស័យពីបទឆបោកចំនួន១៦៤នាក់ ក្នុងនោះមានស្ត្រី១៣នាក់ ត្រូវបានចាប់ខ្លួននៅទីតាំងផ្សេងៗក្នុងប្រទេសឡាវ។ ក្នុងចំណោមអ្នកឆបោកទាំង៧៧នាក់ ត្រូវបានចាប់ខ្លួននៅក្រុងវៀងចន្ទន៍ ៤៦នាក់នៅតំបន់សេដ្ឋកិច្ចពិសេសត្រីកោណមាស ក្នុងខេត្ត្តបកែវ ២២នាក់នៅខេត្ត្តវៀងចន្ទន៍ និង១៩នាក់នៅខេត្ត្តសុវណ្ណខេត្ត។ យោងតាមទស្សនាវដ្តីសន្តិសុខឡាវ (Lao Security Magazine) ជនសង្ស័យដែលត្រូវបានចោទប្រកាន់ពីបទបោកប្រាស់ពលរដ្ឋចិន តាមរយៈការប្រើប្រាស់ប្រព័ន្ធទូរគមនាគមន៍ឆ្លងព្រំដែន ត្រូវបានធ្វើបត្យាប័នទៅកាន់ប្រទេសចិន ដើម្បីស៊ើបអង្កេតបន្ថែមទៀត។
ពិធីប្រគល់នេះ មានការអញ្ជើញចូលរួមពី លោកវរសេនីយ៍ឯក ម៉ក់ វិឡៃផុន អនុប្រធាននាយកដ្ឋានទំនាក់ទំនងបរទេស នៃក្រសួងសន្តិសុខសាធារណៈ (MOPS) និងលោកវរសេនីយ៍ឯក យ៉ាង វ៉ាន់ហ្វាង Yang Wan Fang ប្រធាននាយកដ្ឋានស៊ើបអង្កេតនៃក្រសួងសន្តិសុខសាធារណៈចិន និងមន្ត្រីប៉ូលិសពាក់ព័ន្ធផ្សេងទៀត៕
