អ៊ីស្រាអែល៖ កងកម្លាំងការពារជាតិអ៊ីស្រាអែល (IDF) បានវាយកម្ទេចគោលដៅយោធារបស់ក្រុមប្រដាប់អាវុធប៉ាឡេស្ទីនហាម៉ាស់ប្រមាណជាង ៦០០ កន្លែងនៅតំបន់ហ្គាហ្សាស្ទ្រីបក្នុងប្រតិបត្តិការជើងគោកទ្រង់ទ្រាយធំនារយៈពេលប៉ុន្មានថ្ងៃថ្មីៗនេះ ។

ទីភ្នាក់ងារសារព័ត៌មានយោធាអ៊ីស្រាអែលបាននិយាយថា “កងកម្លាំង IDF បានបន្តពង្រីកប្រតិបត្តិការជើងគោកនៅតំបន់ហ្គាហ្សាស្ទ្រីប ហើយក្នុងរយៈពេលប៉ុន្មានថ្ងៃចុងក្រោយនេះ IDF ក៏បានបើកការវាយប្រហារទៅលើគោលដៅក្រុមហាម៉ាស់ជាង៦០០ទីតាំង រួមទាំងឃ្លាំងអាវុធ ទីតាំងបាញ់កាំជ្រួចមីស៊ីលប្រឆាំងរថក្រោះរាប់សិបកន្លែង ព្រមទាំងកន្លែងលាក់ខ្លួន និងទីលានប្រតិបត្តិការរបស់ក្រុមមួយនេះផងដែរ” ។

ក្នុងអំឡុងពេលប៉ះទង្គិចគ្នាជាមួយក្រុមហាម៉ាស់នៅតំបន់ហ្គាហ្សាស្ទ្រីប, កងទ័ព IDF ក៏បានសម្លាប់ក្រុមសកម្មប្រយុទ្ធរាប់សិបនាក់ ដែលបានលាក់ខ្លួននៅក្នុងអគារ និងផ្លូវរូងក្រោមដី ខណៈការវាយប្រហារទាំងនោះ កងទ័ពអ៊ីស្រាអែលបានប្រើប្រាស់យន្តហោះចម្បាំង” ៕