ម៉ាសេដូនខាងើជើង ៖ អគ្គិភ័យបានឆាបឆេះក្លឹបរាត្រីមួយនៅទីក្រុងកូកានី ប្រទេសម៉ាសេដូនខាងជើង កាលពីព្រឹកថ្ងៃអាទិត្យ បណ្តាលឲ្យមនុស្សស្លាប់ចំនួន ៥៩នាក់ និងជាង ១០០ នាក់រងរបួស។ នេះបើតាមការឲ្យដឹងពីរដ្ឋមន្ត្រីក្រសួងមហាផ្ទៃលោក Pance Toskovski ដែលត្រូវបានចុះផ្សាយដោយ ទីភ្នាក់ងារសារព័ត៌មាន Reuters។

មូលហេតុនៃអគ្គិភ័យត្រូវបានគេសន្និដ្ឋានថាបណ្តាលមកពីឧបករណ៍បាញ់កាំជ្រួច (pyrotechnic) ដែលត្រូវបានប្រើប្រាស់ក្នុងអំឡុងពេលប្រគំតន្ត្រីមួយ នៅក្នុងក្លឹបដែលមានឈ្មោះថា Pulse។ លោក Tosk ovski បានពន្យល់ថា ផ្កាភ្លើងបានបង្កជាអណ្តាតភ្លើង ហើយបានរាលដាលយ៉ាងលឿនពាសពេញក្លឹប។

រដ្ឋមន្ត្រីក្រសួងមហាផ្ទៃលោក Pance Toskovski បាននិយាយកាលពីរសៀលថ្ងៃអាទិត្យថា ទីកន្លែងនេះ មិនមានអាជ្ញាប័ណ្ណស្របច្បាប់សម្រាប់ប្រតិបត្តិការទេ ខណៈដែលប៉ូលិស កំពុងពិនិត្យមើ លថាតើការស៊ីសំណូក និងអំពើពុករលួយមានជាប់ទាក់ទងនឹងភ្លើងដែរឬទេ។

កន្លែងនៅក្នុងទីក្រុងមួយចម្ងាយប្រហែល ១០០ គីឡូម៉ែត្រ ភាគខាងកើតនៃរដ្ឋធានី Skopje ត្រូវបានពិពណ៌នាថាជា "ក្លឹបរាត្រីដែលកែសំរួល" នៅក្នុងសារព័ត៌មានក្នុងស្រុក ដោយពីមុនជាឃ្លាំ ងកំរាលព្រំ។

វីដេអូដែលត្រូវបានផ្ទៀងផ្ទាត់ដោយទីភ្នាក់ងារសារព័ត៌មាន Reuters បង្ហាញពីក្រុមតន្ត្រីកំពុងសម្តែងនៅលើឆាក ខណៈអណ្តាតភ្លើងពីរបានបាញ់ផ្កាភ្លើងពណ៌សឡើងទៅលើ។ ផ្កាភ្លើងទាំងនោះបានប៉ះនឹងពិដានដែលនៅពីលើក្រុមតន្ត្រី ហើយទំនងជាបង្កឲ្យមានអគ្គិភ័យបានឆាបឆេះ នៅវេលាម៉ោងប្រមាណ ៣ ទៀបភ្លឺ៕