បាងកក៖ ទីបំផុតតុលាការធម្មនុញ្ញថៃ បានសម្រេចដកតំណែងលោក Srettha Thavisin ចេញពីមុខតំណែងជា នាយករដ្ឋមន្ត្រីថៃហើយនៅថ្ងៃនេះ។នេះបើតាមការចេញផ្សាយរបសារព័ត៌មាន The Nation នៅថ្ងៃទី ១៤ ខែសីហា ឆ្នាំ២០២៤។

បណ្តឹងប្រឆាំងនឹងនាយករដ្ឋមន្ត្រីថៃលោកSrettha  បានកើតឡើងក្រោយសមាជិកព្រឹទ្ធសភាតែងតាំងឡើងដោយយោធាចំនួន៤០រូបកាលពីខែឧសភា បានដាក់ពាក្យបណ្តឹងទៅតុលាការធម្មនុញ្ញ ហើយតុលាការ ក៏បានទទួលយកបណ្តឹង។ ការដាក់ពាក្យបណ្តឹងនេះដែរ ក្រោមហេតុផលថាការតែងតាំងលោក Pichit Chuenban ដែល​ធ្លាប់ជាប់ពន្ធនាគាររយៈពេល៦ខែ កាលពីឆ្នាំ២០០៨ ឱ្យកាន់តួនាទីជារដ្ឋមន្រ្តី ក្នុងគណៈរដ្ឋមន្រ្តី របស់លោក សេដ្ឋា គឺជាទង្វើបំពានរដ្ឋធម្មនុញ្ញ។ ក្រោយមក លោក Pichit ដែលជាអតីតមេធាវីម្នាក់ មានទំនាក់ទំនង​ជាមួយអតីតនាយករដ្ឋមន្រ្តីថៃ លោក ថាក់ស៉ីន ស៉ីណាវ៉ាត់ ក៏បានលាលែងពីតួនាទីវិញ ដើម្បីព្យាយាមការពារ លោក សេដ្ឋា។

សូមបញ្ជាក់ លោក Srettha  ទទួលបានការគាំទ្រពីគណបក្សPheu Thai ដែលជាគណបក្សនយោបាយមួយដ៏មានប្រជាប្រិយភាពនៅប្រទេសថៃ។ លោកSrettha Thavisin ដែលបច្ចុប្បន្នកំពុងកាន់តំណែងជានាយករដ្ឋមន្ត្រីថៃបានថ្លែងប្រាប់អ្នកសារព័ត៌មានថា លោកមានការបារម្ភអំពីសាលក្រមបណ្តឹងប្រឆាំងនឹងរូបលោក ប៉ុន្តែលោកនឹងបន្តធ្វើការងារជាប្រក្រតី។ 

តុលាការធម្មនុញ្ញថៃ កាលពីថ្ងៃសុក្រ(៧សីហា)ថ្មីៗនេះ បានសម្រេចរលាយគណបក្សប្រឆាំងMove Forward  ដែលជាគណបក្សធំបំផុតនៅសភាថៃ៕