ថៃ៖ លោក ស្រេតថា ថាវីស៊ីន នាយករដ្ឋមន្ត្រីថៃ នៅថ្ងៃទី ៣០ តុលានេះ គូសបញ្ចាក់ថាពលករថៃ ៣នា ក់ផ្សេងទៀតត្រូវបាន​គេចាប់ធ្វើជាចំណា​ប់ខ្មាំង ក្នុងអំឡុងពេលការវាយប្រហាររបស់ក្រុមហាម៉ាស ទៅ​លើ​ប្រទេសអ៊ីស្រាអែល។នេះបើតាមការចេញផ្សាយដោយសារព័ត៌មានBangkok Postនៅថ្ងៃទី ៣០ ខែតុលា ឆ្នាំ២០២៣។

ស្ថានភាពនៅអ៊ីស្រាអែលកាន់តែកើនឡើងអាក្រក់ទៅៗ ដោយសារការវាយលុករបស់ក្រុមហាម៉ាស​លើទឹ​កដីអ៊ីស្រាអែលហើយការជម្លៀសប្រជាជនចេញពីតំបន់នេះកាន់តែលំបាក។

នាយករដ្ឋមន្ត្រីថៃរូបនេះសង្គត់ធ្ងន់ថាមន្រ្តីថៃកំពុងចូលរួមក្នុងការចរចាជាមួយក្រុមហាម៉ាស់ដើម្បីដោះលែងចំណាប់ខ្មាំងដែលជាជនជាតិថៃ ដែលក្រុមហាម៉ាសបានចាប់ខ្លួន។ លោក ស្រេតថា បានប​ញ្ជា​ក់ថា ប្រជាជនថៃមិនមែនជាគោលដៅរបស់ក្រុមណាមួយក្នុងការចាប់ខ្លួន​ធ្វើជាចំណាប់ខ្មាំងនៅ​សង្រ្គាមនោះទេ។ លោក ស្រេតថា ថាវីស៊ីន ក៏បានព្យាយាមអំពាវនាវ ដល់ពលករថៃឲ្យវិលត្រឡប់ម​កប្រទេសខ្លួនវិញឲ្យបានលឿន ព្រោះក្នុងស្ថានភាពនៃជម្លោះរវាងអ៊ីស្រាអែល និងក្រុមហាម៉ាសកំពុងតែយ៉ាប់យឺនទៅៗជាខ្លាំង៕