ចិន៖ ខ្លាឃ្មុំផេនដាភ្លោះបានកើតនៅមជ្ឈមណ្ឌលបង្កាត់ពូជមួយនៅភាគនិរតីនៃប្រទេសចិន ដែ​ល​ជា​សញ្ញានៃការរីកចម្រើន ខណៈ​ដែលវាតស៊ូដើម្បីរស់រានមានជីវិតចំពេ​លមា​នការ​ប្រែប្រួលអាកាសធាតុ និ​ងការបាត់បង់ទីជម្រក។

ខ្លាឃ្មុំ​ផេនដាយក្សមួយក្បាលឈ្មោះ Qin Qin បានផ្តល់កំណើតដល់២ក្បាលនៅមជ្ឈមណ្ឌល ស្រាវជ្រាវ Qinling Giant Panda ក្នុងខេត្ត Shaanxi នៅប្រទេសចិន!កូនឈ្មោលមានទម្ងន់១៧៦,៤ ក្រាម កូន​ញីមានទំងន់១៥១,២ក្រាមការផ្តល់កំ​ណើតកូនជាលើកទី​២របស់មេខ្លា​ឃ្មុំ ផេនដាដ៏កម្រ​ឈ្មោះ Qin Qin ដោយផ្តល់កំណើតកូនទី១ឆ្នាំ២០១៣ និង ទី២នៅឆ្នាំ២០២២នេះ។

សូមបញ្ជាក់ថា ចំនួន​សត្វ​ខ្លាឃ្មុំ​ផេនដា​ព្រៃ​បាន​កើន​ឡើង​ជា​បណ្តើរៗ ដោយ​ឈាន​ដល់​ការ​ប៉ាន់​ប្រមាណ​បច្ចុប្បន្ន​ចំនួន ១៨០០។ប្រហែល៥០០ក្បាល ផ្សេងទៀតរស់នៅ ក្នុងសួនសត្វ និងតំបន់បំរុង ដែលភាគច្រើននៅក្នុងខេ​ត្តស៊ីឈួនដែលមានព្រៃឈើច្រើន៕