ញូវយ៉ក៖ ក្រុមហ៊ុនអាកាសចរណ៍អាមេរិក នឹងបណ្តេញបុគ្គលិក៥៩៣ នាក់ ដែលបដិសេធមិនគោរពតាមតម្រូវការដើម្បីទទួលវ៉ាក់សាំងការពារជំងឺកូវីដ១៩ ។ នេះបើយោងតាមការចុះផ្សាយដោយសារព័ត៌មាន Bangkok Post នៅថ្ងៃទី២៩ កញ្ញា ២០២១។

ក្រៅពីបុគ្គលិក៥៩៣ នាក់ដែលបដិសេធមិនចាក់វ៉ាក់សាំង នឹងបុគ្គលិក ២.០០០ នាក់ផ្សេងទៀតក៏បានស្នើសុំការលើកលែងផ្នែកវេជ្ជសាស្ត្រចំពោះតម្រូវការវ៉ាក់សាំងដែរ។ នៅដើមខែសីហានេះក្រុមហ៊ុនអាកាសចរណ៍បានប្រកាសថាបុគ្គលិកអាមេរិកទាំងអស់នឹងត្រូវទទួលវ៉ាក់សាំងហើយបញ្ចូលកាតវ៉ាក់សាំងរបស់ពួកគេទៅក្នុងប្រព័ន្ធរបស់ក្រុមហ៊ុន។

លើសពីនេះទៅទៀត ក្រុមហ៊ុនអាកាសចរណ៍ និយាយថាខ្លួននឹងធ្វើតាមតម្រូវការនៃកិច្ចព្រមព្រៀងជាមួយសហជីពដូចជាការបណ្តេញនិយោជិកចេញចំពោះមនុស្សដែលបដិសេធការចាក់វ៉ាក់សាំង។RT