បរទេស៖ ទាហានកូរ៉េខាងជើងជាង៣,០០០ នាក់ត្រូវបានសម្លាប់ និងរងរងរបួស នៅក្នុងទីក្រុងមួយ របស់ប្រទេសរុស្ស៊ី ។ នេះបើយោងតាមការចុះផ្សាយដោយទីភ្នាក់ងារសារព័ត៌មាន AFP នៅថ្ងៃទី២៤ ធ្នូ ២០២៤។

លោក Zelensky ប្រធានាធិបតីអ៊ុយក្រែន បាននិយាយថា ទាហានកូរ៉េខាងជើងជាង ៣,០០០ នាក់ត្រូវបានសម្លាប់ ឬរងរបួសក្នុងការប្រយុទ្ធប្រឆាំងនឹងការលុកលុយរបស់អ៊ុយក្រែន នៅក្នុងតំបន់ ឃូស (Kursk) របស់ប្រទេសរុស្ស៊ី។

តាមសេចក្តីរាយការណ៍ ទាហានកូរ៉េខាងជើងប្រហែល ១២,០០០នាក់ ត្រូវបានបញ្ជូនទៅជួយទ័ពរុស្ស៊ី ចាប់តាំងពីដើមខែសីហា។ ជាមួយគ្នានេះដែរ ទីក្រុងសេអ៊ូលបារម្ភខ្លាំងថា ទីក្រុងព្យុងយ៉ាងនឹងបញ្ជូនទាហាន និងសម្ភារៈយោធារបស់ខ្លួនបន្ថែមទៀត ទៅកាន់ប្រទេសរុស្ស៊ី។

លោក Zelensky បានបង្ហោះនៅលើ Telegram បន្ទាប់ពីទទួលបានការសង្ខេបរបាយការណ៍ពីមេបញ្ជាការកំពូលរបស់លោកថា «នឹងមានហានិភ័យ ដែលកូរ៉េខាងជើងបញ្ជូនទាហាន និងសម្ភារៈយោធាបន្ថែម ទៅឱ្យកងទ័ពរុស្ស៊ី»៕RT