ហាណូយ៖ ការពន្យាពេលក្នុងការផលិតគ្រឿងបន្លាស់ iPhone 13 នៅប្រទេសវៀតណាមត្រូវបានគេគ្រោងនឹងធ្វើឱ្យប្រសើរឡើងវិញ នៅពាក់កណ្តាលខែតុលា ដោយសាររោងចក្រសំខាន់មួយអាចដំណើរការផលិតកម្មឡើងវិញ បន្ទាប់ពីការរំខានរបស់ Covid-19 អស់រយៈពេលជាច្រើនខែ។នេះបើយោងតាមការចុះផ្សាយដោយទីភ្នាក់ងារសារព័ត៌មាន VN Express នៅថ្ងៃទី៣០ កញ្ញា ២០២១។

នាយកប្រតិបត្តិដែលដឹងពីស្ថានភាពនេះបានប្រាប់ Nikkei ថា រោងចក្រនៅភាគខាងត្បូងប្រទេសវៀតណាមដែលជាកន្លែងផលិតម៉ូឌុលកាមេរ៉ាអាយហ្វូនដ៏សំខាន់នៅក្នុងប្រទេសបានចាប់ផ្តើមដំណើរការផលិតកម្មឡើងវិញបន្តិចម្តងៗ ក្នុងរយៈពេលប៉ុន្មានថ្ងៃចុងក្រោយនេះ។

ប្រភពបានបន្តថា ការពន្យាពេលក្នុងការបង្កើតម៉ូឌុលលំនឹងរូបភាពអុបទិកដែលផ្លាស់ប្តូរឧបករណ៍ចាប់សញ្ញាថ្មីនេះ កំពុងធ្វើឱ្យអ្នកទិញទូរស័ព្ទ iPhone 13 ប្រឈមនឹងពេលវេលាចែកចាយយូរជាងនេះ។

ប្រទេសវៀតណាមបានទទួលរងផលប៉ះពាល់ធ្ងន់ធ្ងរពីជំងឺកូវីដ -១៩ នៅក្នុងរលកទី ៤ ដែលបណ្តាលឱ្យមានការរឹតបន្តឹងយ៉ាងតឹងរ៉ឹងលើរោងចក្រនិងការដឹកជញ្ជូននៅតាមតំបន់ជាច្រើនជាពិសេសនៅទីក្រុងហូជីមិញ និងខេត្តប៊ិញឌួងដែលនៅជិតខាង៕