យោងតាមស្ថាននីយប៉ូលីសស្រុក Kwangju ខេត្ត Gyeonggi គឺកាលពីថ្ងៃទី ០១ ខែសីហា បានឲដឹងថា អតីតកីឡាការិនីបាល់ទះអាជីព Go Yoo Min ត្រូវបានគេប្រទះឃើញដេកស្លាប់នៅក្នុងផ្ទះរបស់នាងនៅម៉ោងប្រហែល ៩ និង ៤០ នាទីព្រឹក។

របាយការណ៍បានបញ្ជាក់ថា អតីតមិត្តរួមក្រុមបានឃើញនារីវ័យ២៥ឆ្នាំដំបូងគេនៅក្នុងផ្ទះរបស់នាង ។

មិត្តរួមក្រុមបានព្យាយាមទាក់ទងនាងតាមទូរស័ព្ទនៅព្រឹកនេះដដែលនោះ តែមិនមានការឆ្លើយតប ។ បន្ទាប់មកពួកគេបានធ្វើដំណើរទៅកាន់ផ្ទះរបស់ Go Yoo Minហើយភ្លាមៗនោះក៏បានទូរស័ព្ទទៅប៉ូលីស។

GoYooMinបានប្រកាសចូលនិវត្តន៍ពីកីឡាបាល់ទះអាជីពនៅដើមឆ្នាំនេះក្នុងខែមីនាបន្ទាប់ពីបានចូលរួមប្រកួតប្រជែងជាសមាជិកក្រុម Hyundai Hillstate អំឡុងរដូវកាល ២០១៩-២០២០។

បើតាមប៉ូលីសបានធ្វើកោសល្យវិច័យពុំមានឃើញសញ្ញានៃការធ្វើឃាតកម្មណាមួយឡើយដូច្នេះប៉ូលីសជឿថានេះជាការធ្វើអត្តឃាតដោយនាងផ្ទាល់។RT