គ្រោះរញ្ជួយដីក៏ខ្លាំងមួយ បានវាយប្រហារប្រទេសជប៉ុន នៅព្រឹកថ្ងៃច័ន្ទនេះ ប៉ុន្តែមិនបានបង្កចេញជារលកយក្សស៊ូណាមិនោះទេ
យោងតាមទីភ្នាក់ភូមិសាស្ត្រអាមេរិក USGS ហេតុការណ៍រញ្ជួយនេះ មានកម្រិត ៦,៤រីកទ័រ បានវាយប្រហារចេញពីក្រោមបាតមហាសមុទ្រប៉ាស៊ីហ្វិក ជម្រៅប្រមាណ ៤១,៧គីឡូម៉ែត្រ និងចម្ងាយជិត ៥០គីឡូម៉ែត្រពីតំបន់ឆ្នេររបស់ជប៉ុន គឺខេត្ត Miyagi ប៉ុន្តែភ្នាក់ងារដដែលនេះ បញ្ជាក់ថា អត្រាពលរដ្ឋរងគ្រោះ និងទំហំនៃការខូតខាតដោយសារគ្រោះរញ្ជួយដីនេះ មិនជាធ្ងន់ធ្ងរនោះដែរ។
ដោយឡែក សម្រាប់ភ្នាក់ភូមិសាស្ត្រជប៉ុន JMA បានរាយការពីគ្រោះរញ្ជួយដីនេះ គឺស្ថិតក្នុងជម្រៅប្រមាណ ៥០គីឡូម៉ែត្រពីក្រោមមហាសមុទ្រប៉ាស៊ីហ្វិក និងមានកម្រិតរញ្ជួយត្រឹម ៦,១រីកទ័រ ខុសពីការលើកឡើងរបស់ភ្នាក់ងារភូមិសាស្ត្រអាមេរិក។ទីភ្នាក់ងាព័ត៌មានជប៉ុន ផ្សាយនៅព្រឹកថ្ងៃច័ន្ទនេះ មិនមានការព្រមានពីគ្រោះស៊ូណាមិ ដោយសារការរញ្ជួយដីនេះឡើយ។
ក្រៅពីគ្រោះរញ្ជួយដី ជប៉ុននៅពេលនេះ ក៏កំពុងធ្ងន់ធ្ងរជាមួយការរាតត្បាតវីរុសកូវីដ ១៩ ដូចគ្នា ដោយទូទាំងប្រទេស ត្រូវរដ្ឋាភិបាលប្រកាសដាក់ក្នុងភាពអាសន្ន ខណៈអ្នកឆ្លងថ្មីកំពុងបន្តកើនឡើង ដោយគិតត្រឹមព្រឹកថ្ងៃច័ន្ទ ជប៉ុនមានអ្នកឆ្លងកូវីដ១៩ សរុប ១០ ៧៩៧នាក់ ក្នុងនោះ ២៣៦នាក់បានស្លាប់៕ដោយPP
