ឧត្តរមានជ័យ  ៖  ក្រសួងធនធានទឹក  និងឧតុនិយម  បានឲ្យដឹងថា  ស្ថានភាពទឹក នៅអាងទឹកតាម៉ុក  ស្ថិតនៅឃុំអន្លង់ ស្រុកអន្លង់វែង  ខេត្តឧត្តរមានជ័យ  គិតត្រឹមព្រឹកថ្ងៃទី២០ ខែកញ្ញា ឆ្នាំ២០២០នេះ  កម្ពស់ទឹកក្នុងអាង ៣,៩៥ម៉ែត្រ  ដូច្នេះ ប្រជាពលរដ្ឋនៅជុំវិញអាងត្រូវមានការប្រុងប្រយ័ត្នខ្ពស់។
យោងតាម គេហទំព័រ ហ្វេសប៊ុក របស់  ក្រសួងធនធានទឹក  នៅព្រឹក ថ្ងៃ ទី២០  កញ្ញា  នេះ  បានពន្យល់ថា  កម្ពស់ទឹកប្រកាសឲ្យមានការប្រុងប្រយ័ត្ន ៣,៨០ម៉ែត្រ ។ ដោយឡែក  កម្ពស់ទឹកប្រកាសអាសន្ន ៤,២០ម៉ែត្រ។ ក្រសួងធនធានទឹក  បញ្ជាក់ ថា  "សូមបងប្អូនប្រជាពលរដ្ឋដែលរស់នៅជុំវិញផ្នែកខាងលើ និងខាងក្រោមអាងទឹកតាម៉ុក ស្ថិតនៅឃុំអន្លង់ ស្រុកអន្លង់វែង មេត្តាមានការប្រុងប្រយ័ត្នខ្ពស់ ជៀសវាងការគ្រោះថ្នាក់ដោយប្រការណាមួយជាយថាហេតុ"៕EB