កណ្ដាល ៖ កាលពីថ្ងៃទី៩ ខែវិច្ឆិកា ឆ្នាំ២០២០ មានករណីមួយបង្កឲ្យផ្អើលពេញភូមិ ដោយសារតែ បុរសម្នាក់បាននាំ ម្ដាយ និងយាយ-តា ងើបតាំងពីព្រឹកមកពីខេត្តកំពង់ស្ពឺ លុះ មកដល់ខេត្តកណ្ដាល នៅវត្តត្មាតពង ដើម្បីចូលស្ដីដណ្ដឹងនារីម្នាក់ ហើយមកដ៏ទីតាំង ខាងប្រុសខលទៅខាងកូនក្រមុំជិត ១០០ដង តេមិនមិនចូល ហើយបិទទូរស័ព្ទបាត់ឈឹង។

ករណីនេះ ធ្វើឲ្យក្រុមគ្រួសារខាងប្រុសអស់សង្ឃឹមយ៉ាងខ្លាំងដោយសារចូលស្ដីដណ្ដឹងគេ ត្រូវគេបិទទូរស័ព្ទ រកផ្ទះមិនឃើញ។

នេះបើយោងតាមគេហទំព័រហ្វេសប៊ុកឈ្មោះ ឧបាសិកា រ៉េត រស្មី បានសរសេរថា «ខាងប្រុសគាត់ខ្លាចច្រឡំផ្លូវ គាត់ដើរសួគេរកកូនក្រមុំផ្អើលឡើងមួយភូមិ ខ្ញុំក៏ជួយរកតាមអាខោនហ្វេសប៊ុកពួកគាត់បានទាក់ទងគ្នា កូនកំលោះ ក៏បានឲ្យពួកខ្ញុំមើលរូបថតស្រីនោះ តែមិនមែនអ្នកស្រុកភូមិខ្ញុំទេ តែកូនកំលោះ និងចាស់ទំខាងគាត់ថា នៅត្រពាំងកក់ជាប់ភូមិខ្ញុំ»។

ប្រភពដដែល សរសេរបន្ដថា ខ្ញុំនិយាយជាមួយកូនកំលោះ និងចាស់ទំខាងគាត់ថា គេបោកប្អូនឯងតាមហ្វេសប៊ុកទេដឹងអូន ហើយក៏ខ្ញុំនិយាយថា បើគេពិតជាឱ្យប្អូនទៅដណ្ដឹងគេមែនគេប្រាកដជាខ្វាយខ្វល់ខលរកប្អូនថា មកដល់ណាៗហើយអូន ខ្ញុំប្រាប់ពួកគាត់សង្ស័យតែគេបោកទេដឹង ខាងប្រុសពួកគាត់ស្ដាបគំនិតពួកខ្ញុំហើយក៏ សម្រេចចិត្តត្រឡប់ទៅផ្ទះវិញទៅ។

ក្រោយមកទៀត ក៏បានរកឃើញថា ខាងកូនក្រមុំនោះបោកគេមែនហើយមានប្ដីទៀតផង ហួសចិត្តម៉ង បើយើងមិនបានជួយគេសូមកុំធ្វើបាបគេឥ៕EB