បុរសម្នាក់ដែលមានហ្វេសបុកឈ្មោះ Bottra Umen បាននិយាយរៀបរាប់ពីរឿងប៉ូលីសចរាចរណ៍ម្នាក់ នៅពេលដែលគាត់កំពុងតែជិះម៉ូតូសុខៗ ហើយស្រាប់តែអស់សាំង ។ អ្វីដែលគាត់ចង់បង្ហាញនោះគឺ ប៉ូលីសទាំងអស់មិនដូចគ្នា ។ ខាងក្រោមនេះគឺជាអ្វីដែលបុរសឈ្មោះ Bottra Umen បានរៀបរាប់៖ ព្រឹកនេះថ្ងៃទី15/05/2020 ខ្ញុំជួបរឿងដែលនឹកស្មានមិនដល់មួយ!! ខ្ញុំចេញពីផ្ទះទៅធ្វើការស្រាប់តែដល់ផ្លូវធំម៉ូតូរបស់ខ្ញុំអស់សាំងក៏ឈប់,ស្រាប់តែមានបងPoliceម្នាក់មកសួរថាម៉ូតូកើតអីខូចអីគេកើតអីខ្ញុំប្រាប់គាត់ថាម៉ូតូអស់សាំង!! គាត់ក៏ជួយរុញម៉ូតូខ្ញុំទៅផ្ញើមុខធនាគារលើផ្លូវមុនីវង្សហើយគាត់ទាញម៉ូតូ PCX របស់គាត់ជូនខ្ញុំទៅទិញសាំង, ទាំងជិះច្រើនជុំបកច្រើនត្រឡប់ដើម្បីរកការាសសាំងហើយក៏ជូនខ្ញុំមកយកម៉ូតូរបស់ខ្ញុំវិញ!!Police ទាំងអស់មិនដូចគ្នាទេយើងកុំតើមិនចូលចិត្តហើយស្អប់ទាំងអស់, ខ្ញុំជឿជាក់បែបហ្នឹងដោយសារតែខ្ញុំឃើញភាគច្រើនយើងគឺនិយាយអំពីអំពើអាក្រក់របស់គាត់!!គាត់មិនល្អចេះមិនអាចចុះតែខ្ញុំអត់ដែលឃើញប្រជាជនយើងនិយាយល្អPoliceចេះចុះទេ។អញ្ចឹងហើយមនុស្សយើងក៏មានល្អហើយអាក្រក់ដែរតែយើងមិនទាន់បើកចិត្តឃើញភាពល្អរបស់គាត់។អញ្ចឹងហើយខ្ញុំសូមសំណូមពរបងបងប៉ូលីសនឹងពូប៉ូលីសទាំងអស់សូមជួយប្រជាជនយើងដោយចិត្តស្មោះ។ កុំឱ្យមានឈ្មោះថាប៉ូលីសតែធ្វើការឲ្យរួចពីដៃហើយឃើញតែផលប្រយោជន៍ខ្លួនឯងមិនខ្វល់ពីអារម្មណ៍ប្រជាជន។