បាងកក៖ លោក ស្រែថា ថាវីស៊ីន នាយករដ្ឋមន្ត្រីថ្មីរបស់ប្រទេសថៃ បាននិយាយថា លោករំពឹងថា គណៈរដ្ឋមន្ត្រីរបស់លោកនឹងប្រកាសកាត់បន្ថយតម្លៃប្រេងម៉ាស៊ូត និងអគ្គិសនី ភ្លាមៗបន្ទាប់ពីកិច្ចប្រជុំលើកដំបូងរបស់ខ្លួន។នេះបើតាមសេចក្តីរាយការណ៍ដោយទីភ្នាក់ងារសារព័ត៌មាន The Nation របស់ថៃចេញផ្សាយនៅថ្ងៃទី៣០ ខែសីហា ឆ្នាំ២០២៣។
លោក ស្រែថា ថាវីស៊ីន បាននិយាយថា លោកបានពិភាក្សាបញ្ហាជាច្រើន រួមទាំងតម្លៃថាមពល និងប្រេងឥន្ធនៈជាមួយលោក Supattanapong រដ្ឋមន្ត្រីក្រសួងថាមពលជិតផុតអាណត្តិ។លោក បាននិយាយថា «យើងនឹងប្រកាសពីការកាត់បន្ថយតម្លៃនេះ បន្ទាប់ពីកិច្ចប្រជុំគណៈរដ្ឋមន្ត្រីលើកដំបូង»។
ទោះបីយ៉ាងណា លោក ស្រែថា ថាវីស៊ីន លោកត្រូវការពេលវេលាខ្លះដើម្បីសិក្សាពីជំហាននៃការកាត់បន្ថយតម្លៃមុនពេលគណៈរដ្ឋមន្ត្រីរបស់លោកជួបជាលើកដំបូង ហើយលោកមានបញ្ហាជាច្រើនទៀតដែលត្រូវពិចារណា៕
