គេហដ្ឋាននៅភ្នំពេញរបស់ស្ថាបត្យករគួរឱ្យគោរពបំផុតមួយរូបនៅកម្ពុជា គឺលោក វណ្ណ មូលីវណ្ណ ត្រូវបានប្រកាសដាក់លក់តម្លៃ ៧លានដុល្លារ នៅក្នុងសប្តាហ៍នេះ ដោយក្រុមហ៊ុនភ្នាក់ងារលក់អចលនទ្រព្យមួយ។លោក វណ្ណ មូលីវណ្ណ ដែលជាអ្នកបានបង្កើតស្ថាបត្យក ម្មកំពូលៗនិង បានរចនាប្លង់សំណង់ដ៏លេចធ្លោជាច្រើន នៅកម្ពុជា ក្នុងអំឡុង ទសវត្សរ៍ ៥០ និង ៦០ បានទទួលមរណភាព កាលពីខែកញ្ញា ឆ្នាំ២០១៧ ក្នុងជន្មាយុ ៩០ឆ្នាំ។

យោងតាមភ្នាក់ងារលក់អចលនទ្រព្យ IPS គេហដ្ឋាននេះដែលមានទំហំ ៩២៤ម៉ែត្រការ៉េ បានប្រកាសលក់ក្នុងតម្លៃ ៧លានដុល្លារ។ភ្នាក់ងារ លក់អចលនទ្រព្យ IPS បានសរសេរក្នុងគេហទំព័ររបស់ខ្លួនថា ផ្ទះ ប្រ ណិតនេះ មានទីតាំងស្ថិតនៅ សង្កាត់ទួលស្វាយព្រៃ១ តាមបណ្តោយ មហាវិថីម៉ៅសេទុង ដីមានទំហំប្រមាណ ៩២៤ម៉ែត្រការ៉េ ( ២២.៥១មX ៤២.១៥ម) ទំហំអគារ ៧៦៤ម៉ែត្រការ៉េ  មាន៤បន្ទប់ និងបន្ទប់ទឹក៥ មានរានហាល មានសួនច្បារ ព្រមទាំងបញ្ជាក់ថា ប្លង់រឹងផងដែរ។

គួររំលឹកបន្តិចពីសាវតារបស់ ជាបិតាស្ថាប្យកម្មខ្មែរមួយរូបនេះ ដែលមាន កេរ្តិ៍ឈ្មោះល្បីល្បាញបានកសាងស្នាដៃជាច្រើននៅកម្ពុជា លោកតា វណ្ណ មូលីវណ្ណ ហើយបានទទួលមរណភាពនៅក្នុងជន្មាយុ៩១ឆ្នាំ ក្នុងគេហដ្ឋា នរបស់លោកផ្ទាល់ ស្ថិតនៅក្នុងភូមិមណ្ឌល៣ សង្កាត់ស្លក្រាម ក្រុង សៀមរាប ខេត្តសៀមរាប នាវេលាម៉ោង៩.៤៥នាទីព្រឹក ថ្ងៃទី២៨ ខែកញ្ញា ឆ្នាំ២០១៧៕SP