ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្រ្តីនៃកម្ពុជា បានដាក់បទបញ្ជាឱ្យក្រសួងសេដ្ឋកិច្ចនិងហិរញ្ញាវត្ថុ រៀបចំយុទ្ធសាស្រ្តស្ដុកប្រេងទុក ដោយមិនពឹងផ្អែកលើវិស័យឯកជន ខណៈពេលដែលសង្គ្រាមរវាង រុស្ស៊ីនិងអ៊ុយក្រែន បាននឹងកំពុងអូសបន្លាយ។ នេះជាប្រសាសន៍សម្ដចតេជោ ហ៊ុន សែន ក្នុងឱកាសអញ្ជើញជាអធិបតីភាពដ៏ខ្ពង់ខ្ពស់ នៅក្នុងពិធីសម្ពោធដាក់ឲ្យប្រើប្រាស់ជាផ្លូវការនូវ ស្ពានអាកាស និងផ្លូវក្រោមដីចោមចៅ នៅព្រឹកថ្ងៃទី៣១ ខែមីនា ឆ្នាំ២០២២នេះ។សម្ដេចតេជោ បានបន្ដថា កម្ពុជាបាននិងកំពុងធ្វើការអភិវឌ្ឍគ្រប់ទីកន្លែង ខណៈប្រទេសអ៊ុយក្រែន កំពុងត្រូវរងការបំផ្លិចបំផ្លាញហេដ្ឋារចនាសម្ព័ន្ធស្ទើរគ្រប់កន្លែងដោយសារតែមានសង្រ្គាម ៕