(បរទេស)៖ អាជ្ញាធរបានចេញ ការព្រមាន ខណៈដែលព្យុះត្រូពិច (Khanun) បានបក់ចេញពីឆ្នេរសមុទ្រភាគខាងត្បូងរបស់ ប្រទេសជប៉ុន ឆ្ពោះទៅកាន់កូរ៉េខាងត្បូង។នេះបើយោងតាមសេចក្តីរាយការណ៍របស់សារព័ត៌មាន CNAនៅថ្ងៃទី ០៩ ខែសីហា ឆ្នាំ២០២៣។

ក្រុមហ៊ុនអាកាសចរណ៍ជប៉ុន បានលុបចោលជើងហោះហើរចំនួន ២៥២ ដែលប៉ះពាល់ដល់អ្នកដំណើរប្រហែល ២៥០០០នាក់។ ផ្ទះ​ប្រហែល ១៦០០០ គ្រួសារ​គ្មាន​ថាមពល ខណៈ​ភ្លៀង​ធ្លាក់​ខ្លាំង​បាន​បោកបក់​លើ​កោះ Kyushu ភាគ​ខាង​ត្បូង​ប្រទេស​ជប៉ុន។

ប្រទេសកូរ៉េខាងត្បូងឯណោះវិញ ចាប់ផ្តើមជម្លៀសមនុស្សរាប់ម៉ឺននាក់ ទៅបោះជំរុំនៅឯ World Scout Jamboree។មជ្ឈមណ្ឌលព្រមានព្យុះទីហ្វុងរួមគ្នារបស់យោធាអាមេរិកបានកំណត់ប្រព័ន្ធនេះជាព្យុះត្រូពិចដែលមានខ្យល់បក់រហូតដល់ ១៣០គីឡូម៉ែត្រក្នុងមួយម៉ោង។