រដ្ឋបាលខេត្តព្រះសីហនុបានបញ្ជាក់នាថ្ងៃអាទិត្យទី២៩ ខែមីនា ឆ្នាំ២០២០ នេះថា៖ គិតត្រឹមម៉ោងនេះ នៅក្នុងទូទាំងខេត្តព្រះសីហនុទាំងមូល មិនមានការបិទក្រុងនោះទេ ប្រជាពលរដ្ឋ និងសាធារណៈជនអាចចេញចូលជាធម្មតាមិនមានការហាមប្រាណអ្វីនោះទេ។ រដ្ឋបាលខេត្តសូមបដិសេដរាល់សារព័ត៌មាន ឬការផ្សព្វផ្សាយបំពុលផ្សេងៗដែលមានចេតនាធ្វើអោយចលាចលសង្គម។ អាស្រ័យដូចគោរពជម្រាមជូនខាងលើ សូមសម្តេច ទ្រង់ ឯកឧត្តម លោកជំទាវ អស់លោកលោកស្រី និងសាធារណៈជនទាំងអស់សូមមេត្តាជ្រាបជាជាព័ត៌មាន។
សូមបញ្ជាក់ផងដែរថា៖ ថ្ងៃនេះមានការចែកចាយនៃសារតាមប្រព័ន្ធ WeChat យ៉ាងច្រើនកុះករថា នឹងមានការបិទក្រុងព្រះសីហនុនាយប់ថ្ងៃអាទិត្យទី២៩ ខែមីនា ឆ្នាំ២០២០ មិនឲ្យចរាចរណ៍ ដែលធ្វើឲ្យមានការចាប់អារម្មណ៍ជាខ្លាំង៕
