មន្ទីរសាធារណការ និងដឹកជញ្ជូនខេត្តបន្ទាយមានជ័យ នាថ្ងៃទី១៨ ខែតុលា ឆ្នាំ២០២០នេះ បានចេញសេចក្ដីជូនដំណឹង ពីការផ្អាកចរាចរណ៍បណ្ដោះអាសន្ន នូវយានយន្តដឹកជញ្ជូនធុនធំគ្រប់ប្រភេទ ដែលធ្វើដំណើរឆ្លងកាត់តាមផ្លូវជាតិលេខ ៥៦ ផ្លូវជាតិលេខ៥៨ ផ្លូវខេត្តលេខ ១៥៦ដេ និងលេខ ២៥៦៣ ក្នុងភូមិសាស្ត្រក្នុងខេត្តមួយនេះ។

ការផ្អាកចរាចរណ៍លើយានយន្តធុនធំនេះ ចាប់ពីថ្ងៃជូនដំណឹងនេះតទៅ រហូតដល់មានការជូនដំណឹងជាថ្មីគឺដើម្បីថែរក្សាផ្លូវថ្នល់ ស្ពានកុំឱ្យបាក់ស្រុត និងធានាសុវត្ថិភាព ដល់ការធ្វើដំណើរផងដែរ។

ក្រោយទទួលបានសេចក្តីជូនដំណឹងនេះ មន្ទីរសាធារណការ និងដឹកជញ្ជូនខេត្តបន្ទាយមានជ័យ សង្ឃឹមថាអ្នកបើកបរ និងក្រុមហ៊ុនដឹកទំនិញធុនធំទាំងអស់និងអនុវត្តដោយស្មារតីទទួលខុសត្រូវ ដើម្បីរួមចំណែក រក្សាផ្លូវថ្នល់ ស្ពានឱ្យប្រើប្រាស់បានយូរអង្វែង៕SP