សម្ដេចក្រឡាហោម ស ខេង ៖ មេឃុំ មេប៉ុសិ៍ មេភូមិ អនុភូមិ និងប៉ុសិ៍សុខភាពបំពេញភារកិច្ចល្អជូនពលរដ្ឋ គណបក្សប្រជាជន និងទទួលបានការគាំទ្រជាក់ជាពុំខាន
ភ្នំពេញ ៖ សម្ដេចក្រឡាហោម ស ខេង ប្រធានស្ដីទីគណបក្សប្រជាជនកម្ពុជា និងជាប្រធានក្រុមការងារគណបក្សប្រជាជនកម្ពុជា ចុះមូលដ្ឋានខេត្តបាត់ដំបង និងព្រៃវែង បានថ្លែងថា មេឃុំ មេប៉ុសិ៍ មេភូមិ អនុភូមិ និងប៉ុសិ៍សុខភាព បំពេញភារកិច្ចល្អជូនប្រជាពលរដ្ឋនោះ គណបក្សប្រជាជនកម្ពុជា និងទទួលបានការគាំទ្រពីប្រជាពលរដ្ឋជាក់ជាពុំខាន។
ក្នុងពិធីជួបសំណេះសំណាល និងដឹកនាំយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ នៅស្រុកកំរៀង ខេត្តបាត់ដំបង នាថ្ងៃទី២២ ខែឧសភា ឆ្នាំ២០២២ សម្ដេច ស ខេង បានថ្លែងថា ក្រុមប្រឹក្សាឃុំ បានខិតខំរក្សាសន្តិសុខ សណ្ដាប់ធ្នាប់សាធារណៈនៅគ្រប់ឃុំ តាមរយៈសកម្មភាពប្រឆាំងបទល្មើសនានា និងបានខិតខំបំពេញតួនាទីតាមច្បាប់កំណត់ដើម្បីអភិវឌ្ឍន៍មូលដ្ឋាន ដូចជាការកសាងហេដ្ឋារចនាសម្ព័ន្ធនានាជាដើម។
សម្ដេច ស ខេង បានថ្លែងថា "មេឃុំ ចៅសង្កាត់ មេប៉ុស្តិ៍រដ្ឋបាលឃុំ សង្កាត់ ស្មៀនឃុំ សង្កាត់ មេភូមិ អនុភូមិ និងប៉ុសិ៍សុខភាព ប្រសិនបើតួអង្គទាំង៥ បំពេញភារកិច្ចបានល្អជូនប្រជាពលរដ្ឋនោះគណបក្សប្រជាជនកម្ពុជានិងទទួលបានគាំទ្រពីប្រជាពលរដ្ឋជាក់ជាពុំខានឡើយ"។
សម្ដេច ក៏បានណែនាំឱ្យក្រុមការងារទាំងអស់ផ្ដល់គាំទ្រដល់តួអង្គទាំង៥នេះបំពេញភារកិច្ចឱ្យបានល្អដើម្បីផលប្រយោជន៍ជាតិ និងប្រជាជននៅមូលដ្ឋាន៕