សម្ដេចតេជោ ប្រកាសថា មិនអនុញ្ញាតឲ្យប្រជាពលរដ្ឋកម្ពុជាទៅធ្វើសង្គ្រាមរវាង រុស្ស៊ី-អ៊ុយក្រែនឡើយ
ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានប្រកាសថា មិនអនុញ្ញាតឲ្យប្រជាពលរដ្ឋកម្ពុជាទៅធ្វើសង្គ្រាមរវាង រុស្ស៊ី-អ៊ុយក្រែន ហើយក៏មិនឲ្យពលរដ្ឋកម្ពុជា ស្លាប់នៅអ៊ុយក្រែន ផងដែរ។
ក្នុងពិធីសម្ពោធដាក់ឲ្យប្រើប្រាស់ មន្ទីរពេទ្យមិត្តភាពកម្ពុជា-ចិនត្បូងឃ្មុំ នាថ្ងៃទី៧ ខែមីនា ឆ្នាំ២០២២ សម្ដេចតេជោ ហ៊ុន សែន បានកត់សម្គាល់ឃើញថា ពលរដ្ឋកម្ពុជា រួមទាំងក្មេងៗ សុទ្ធតែចាប់អារម្មណ៍ពីបញ្ហានៅអ៊ុយក្រែន ប៉ុន្តែសម្តេចមិនលើកទឹកចិត្តរហូតដល់អនុញ្ញាតពួកគេទៅធ្វើទ័ពនៅអ៊ុយក្រែននោះឡើយ។
សម្តេចតេជោ បានពន្យល់ថា វាជារឿងមិនអាចទៅរួច ដោយសារគ្មានអ្វីដែលត្រូវដឹកពួកគេទៅអ៊ុយក្រែនឡើយ ហើយក៏មិនគួរយកសាំងទៅចាក់លើភ្លើងនោះដែរ។
សម្ដេចតេជោ បានបន្ថែមថា តម្រូវការជាអាទិភាពកំពូល ក្នុងប្រទេសអ៊ុយក្រែននាពេលនេះគឺ សន្តិភាព។ បើគ្មានសន្តិភាពទេ កុំនិយាយដល់សិទ្ធិមនុស្ស សិទ្ធិរស់រានមានជីវិត និងលទ្ធិប្រជាធិបតេយ្យអោយសោះ។
សម្ដេចតេជោ បន្ដថា រុស្ស៊ី មិនអាចយកឈ្នះអ៊ុយក្រែន បានឡើយ ហើយកងទ័ពរុស្ស៊ី ក៏មិនអាចសម្លាប់កងទ័ពអ៊ុយក្រែន ឲ្យអស់ពីទឹកដីនោះដែរ៕EB
អត្ថបទទាក់ទង
-
ករណីអគ្គិភ័យឆេះផ្ទះប្រជាពលរដ្ឋយ៉ាងសន្ធោសន្ធៅ នៅម្ដុំផ្សារដេប៉ូ សង្កាត់ផ្សារដេប៉ូ ខណ្ឌទួលគោក រាជធានីភ្នំពេញ។ហើយ ក្នុងទីតាំងកើតហេតុនេះ ក៏មានមនុស្សជាប់នៅក្នុងផ្ទះនោះផងដែរ