អាមេរិក៖ ប្រមុខអគ្គសេនាធិការចម្រុះសហរដ្ឋអាមេរិក លោកឧត្តមសេនីយ៍ Mark Milley បាននិយាយកាលពីថ្ងៃពុធ ទី២១ ខែកក្កដាថា ពួកតាលីបង់ហាក់ដូចជាមានសន្ទុះខាងយុទ្ធសាស្ត្រ នៅក្នុងការវាយលុករបស់ពួកគេទូទាំងប្រទេសអាហ្វហ្គានីស្ថាន ប៉ុន្តែជ័យជំនះរបស់ពួកគេគឺនៅឆ្ងាយពីការធានាដែលរំពឹងទុក។ នេះបើយោងតាមសេចក្ដីរាយការណ៍ដោយទីភ្នាក់ងារសារព័ត៌មាន Aljazeera 

អគ្គសេនាធិការចម្រុះលោកឧត្តមសេនីយ៍ Mark Milley បានប្រាប់ក្រុមអ្នកយកព័ត៌មាននៅមន្ទីរបញ្ចកោណកាលពីថ្ងៃពុធថា“ នេះនឹងជាការសាកល្បងមួយអំពីឆន្ទៈនិងការដឹកនាំរបស់ប្រជាជនអាហ្វហ្គានីស្ថាន កងកម្លាំងសន្តិសុខអាហ្វហ្គានីស្ថាន និងរដ្ឋាភិបាលអាហ្វហ្គានីស្ថាន” ។ 

ឧត្តមសេនីយ៍អាមេរិកខាងលើបានបន្ថែមថា ពួកតាលីបង់បានទទួលការគ្រប់គ្រងប្រហែលពាក់កណ្តាលនៃស្រុកចំនួន ៤១៩ នៅក្នុងប្រទេសអាហ្វហ្គានីស្ថាននិងកំពុងវាយដណ្ដើមនៅជាយក្រុងនៃខេត្តចំនួន ១៧ ក្នុងចំណោម ៣៤ ខេត្តប៉ុន្តែមិនទាន់បានកាន់កាប់តំបន់ណាមួយនៅឡើយ។

ជាការឆ្លើយតប កម្លាំងរដ្ឋាភិបាលអាហ្វហ្គានីស្ថានកំពុងពង្រឹងជំហររបស់ពួកគេដើម្បីការពារមជ្ឈមណ្ឌលប្រជាជនហើយការប្រយុទ្ធគ្នាត្រូវបានគេរំពឹងថានឹងកើនឡើងនៅប៉ុន្មានសប្តាហ៍ខាងមុខនេះបន្ទាប់ពីឈប់សម្រាក Eid al-Adha ។RT