អង់គ្លេស៖ នៅថ្ងៃចន្ទ ទី០៤ ខែតុលា នេះ កងទ័ពអង់គ្លេសបានចាប់ផ្តើមដាក់ពង្រាយអ្នកបើកបរដើម្បីបញ្ជូនប្រេងឥន្ធនៈទៅស្ថានីយប្រេងឥន្ធនៈក្នុងគោលបំណងដោះស្រាយបញ្ហាវិបត្តិថាមពលរបស់ប្រទេស។ នេះបើយោងតាមការចុះផ្សាយដោយទីភ្នាក់ងារសារព័ត៌មាន BBC នៅថ្ងៃទី ០៤ តុលា ២០២១។

អ្នកយកព័ត៌មានរ៉យទ័របាននិយាយថាបុគ្គលិកយោធាអង់គ្លេសបានខិតខំប្រឹងប្រែងដើម្បីបានមកដល់រោងចក្រចម្រាញ់ប្រេង BP ជួយចែកចាយប្រេងឥន្ធនៈចំពេលមានការខ្វះខាតយ៉ាងខ្លាំង។

ក្នុងរយៈពេលប៉ុន្មានថ្ងៃចុងក្រោយនេះចក្រភពអង់គ្លេសត្រូវបានរងគ្រោះយ៉ាងធ្ងន់ធ្ងរដោយសារកង្វះប្រេងឥន្ធនៈដែលធ្វើឱ្យមានការខឹងសម្បារជាសាធារណៈនិងការព្រួយបារម្ភ។

វាជាវិបត្តិប្រេងឥន្ធនៈដ៏អាក្រក់បំផុតរបស់ចក្រភពអង់គ្លេសអស់ជាច្រើនទសវត្សរ៍មកហើយដោយរូបភាពរបស់អ្នកបើកបរយានយន្តបានបង្កើតជាជួរវែងនៅស្ថានីយ៍ប្រេងឥន្ធនៈដើម្បីធានាការផ្គត់ផ្គង់ខ្វះខាតដែលបំផ្លាញដល់ភាពជឿជាក់របស់រដ្ឋាភិបាល។

គួរបញ្ជាក់ថា រដ្ឋាភិបាលរបស់នាយករដ្ឋមន្រ្តី លោកបូរីស ចនសុន និយាយថាកង្វះអ្នកបើកបររថយន្តដឹកប្រេងដើម្បីបញ្ជូនប្រេងឥន្ធនៈនិងតម្រូវការដែលមិនធ្លាប់មានពីមុនមកគឺនៅពីក្រោយវិបត្តិនេះ។

យ៉ាងណាមិញ ក្រុមហ៊ុនប្រេងបានធានាថាមិនខ្វះការផ្គត់ផ្គង់ទេគ្រាន់តែជាបញ្ហានៃការដឹកជញ្ជូនប៉ុណ្ណោះ។RT