ចិន៖ ក្រុមអវកាសយានិកចិនចំនួន ៣នាក់បានវិលត្រឡប់មកកាន់ភពផែនដីវិញ តាមយានអវកាស Shenzhou-14 ក្រោយបញ្ចប់បេសកកម្មរយៈពេល ៦ខែនៅលើស្ថានីយអវកាសរបស់ចិន។ នេះបើយោងតាមការចុះដោយទីភ្នាក់ងារសារព័ត៌មាន CCTV នៅថ្ងៃទី០៥ ធ្នូ ២០២២។

ក្រុមអវកាសយានិកទាំង ៣នាក់មានមេបញ្ជាការលោក Chen Dong និងក្រុមការងារលោក Liu Yang និងលោក Cai Xuzhe ដែលត្រូវបានត្រួតពិនិត្យចុងក្រោយ ជាពេលវេលាដ៏សំខាន់នៃការសាងសង់នៅស្ថានីយអវកាស ដែលបានបញ្ចប់រួចរាល់កាលពីខែវិច្ឆិកា។

គួរបញ្ជាក់ថា យានអវកាសនេះបានចុះចតនៅទីតាំង Dongfeng ក្នុងភាគខាងជើងតំបន់ស្វយ័តម៉ុងហ្គោលីនៅម៉ោង 8.09យប់ ដោយបុគ្គលិកមកពីទីភ្នាក់ងារអវកាសបានប្រកាសបេសកកម្មទាំងស្រុង ដែលបានចាប់ផ្ដើមកាលពីថ្ងៃទី៥ ខែមិថុនាថាជាការបញ្ចប់ដោយជោគជ័យ៕RT