ភ្នំពេញ ៖ បន្ទាប់ពីមានករណីឆ្លងជំងឺកូវីដ ១៩ នាថ្ងៃអង្គារ ៨រោច ខែមិគសិរ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី៨ ខែធ្នូ ឆ្នាំ២០២០ ដោយអនុវត្តតាមអនុសាសន៍ដ៏ខ្ពង់ខ្ពស់របស់សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និង បទបញ្ជាផ្ទាល់របស់ ឯកឧត្ដម នាយឧត្ដមសេនីយ៍ សេង យូអ៊ាន់ អគ្គនាយក នៃអគ្គនាយដ្ឋានភស្តុភារ និងហិរញ្ញវត្ថុ ក្រុមគ្រូពេទ្យជំនាញ នៃនាយកដ្ឋានសុខាភិបាល បានអនុវត្តវិធានការអនាម័យបាញ់សម្លាប់មេរោគ នៅក្នុងបរិវេណអគារ ក៏ដូចជាបរិវេណទីស្ដីការក្រសួងមហាផ្ទៃ ទាំងមូល ដើម្បីទប់ស្កាត់ការឆ្លងរីករាលដាលជំងឺកូវីដ ១៩។
