ភ្នំពេញ ៖ ស្ថានទូតអាមេរិក ប្រចាំកម្ពុជា បានធ្វើការប្ដេជ្ញាចិត្តយ៉ាងខ្លាំង ក្នុងការជួយប្រទេសកម្ពុជា និង តំបន់អាស៊ីអាគ្នេយ៍ ឲ្យក្លាយជាតំបន់គ្មានគ្រាប់មីន។

យោងតាមគេហទំព័រហ្វេសប៊ុករបស់ ស្ថានទូតអាមេរិក ប្រចាំកម្ពុជា នៅថ្ងៃទី២៨ ខែវិច្ឆិកា ឆ្នាំ២០២០ បានឲ្យ ដឹង ថា ទូតអាមេរិក ចូលរួមជាមួយ មជ្ឈមណ្ឌលសកម្មភាពកម្ចាត់មីនថ្នាក់តំបន់អាស៊ាន និងដៃគូនានា ក្នុងការដោះស្រាយ នូវការកម្ចាត់គ្រាប់មីន និងគ្រាប់មិនទាន់ផ្ទុះ ក្នុងពេលមានគ្រោះរាតត្បាត។

ប្រភពដដែល បានបញ្ជាក់យ៉ាងដូច្នេះថា «ស្ថានទូតសហរដ្ឋអាមេរិក នៅភ្នំពេញ សូមប្រកាសទាំងមោទនភាព ផងដែរ ក្នុងការចូលរួមជាមួយមិត្តដទៃ ក្នុងមជ្ឈមណ្ឌលសកម្មភាព កម្ចាត់មីនតំបន់អាស៊ាន ។ យើងប្តេជ្ញាចិត្តក្នុងការការពារជីវិត និងជួយដល់ប្រទេសកម្ពុជា និងតំបន់អាស៊ីអាគ្នេយ៍ ឲ្យក្លាយជាតំបន់ ដែលគ្មានគ្រាប់មីន»៕EB