មណ្ឌលគិរី៖ដោយមានការដឹកនាំនិងចង្អុលបញ្ជាផ្ទាល់ពី លោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី ក្នុងប្រតិបត្តិការនេះកម្លាំងនគរបាលយើងបានឃាត់ខ្លួនជនសង្ស័យ បានចំនួន២នាក់ ជាជនជាតិវៀតណាម បានជួលដីខ្មែរដាំកញ្ឆា-នៅព្រឹកថ្ងៃទី១៥ ខែមេសា ឆ្នាំ២០២៣ វេលាម៉ោង១០ និង ៣០នាទី កម្លាំងជំនាញប្រឆាំងគ្រឿងញៀននៃស្នងការដ្ឋាននគរបាលខេត្តមណ្ឌលគិរី ដឹកនាំបញ្ជាផ្ទាល់ដោយលោកឧត្តមសេនីយ៍ទោ ឡោ សុខា ស្នងការនគរបាលខេត្ត និងដោយមានការសម្របសម្រួលពី លោក អ៊ាង សុគន្ធ ព្រះរាជអាជ្ញារងអមសាលាដំបូង ខេត្តមណ្ឌលគិរី និងមានការចូលរួមពីលោកអភិបាល ស្រុកពេជ្រាដា កម្លាំងអធិការស្រុកពេជ្រាដា និងកម្លាំងជំនាញប្រឆាំងគ្រឿងញៀន បានចុះបង្ក្រាបទីតាំងដាំកញ្ឆាមួយកន្លែងស្ថិត នៅភូមិម៉េប៉ៃ ឃុំពូជ្រៃ ស្រុកពេជ្រាដា ខេត្តមណ្ឌលគិរី ។
ក្នុងកិច្ចប្រតិបត្តិការនេះកម្លាំងយេីងបានឃាត់ខ្លួនជនសង្ស័យចំនួន២នាក់ ទី១.ឈ្មោះ ង្វៀន វ៉ាន់ហ្វាង ភេទប្រុស អាយុ៣២ឆ្នាំ ជនជាតិវៀតណាម ទីលំនៅភូមវូយបា ឃុំធុងដូរ ស្រុកវិញ ខេត្តងាអាន ប្រទេសវៀតណាម ទី២.ឈ្មោះ ហ្វាម វ៉ាន់ថាយ ភេទប្រុស អាយុ២៧ឆ្នាំ ជនជាតិវៀតណាម មានទីលំនៅភូមិវូយបា ឃុំធុងដូរ ស្រុកវិញ ខេត្តងាអាន វៀតណាម កាន់លិខិតឆ្លងដែនលេខ C2369263 ចាប់យកបានវត្ថុតាងរួមមាន÷១.កញ្ឆាស្ងួតចំនួន ០២កញ្ចប់ , ២.ជីគីមីចំនួន ៣០ ការុង
៣.ថ្នាំបំប៉នកញ្ឆា២៧កំប៉ុង , ៤.កែវជ័របណ្តុះកូនកញ្ឆា ចំនួន ៥០០កែវ , ៥.ជញ្ជីងថ្លឹងកញ្ឆាក្រៀម ចំនួន ០៣គ្រឿង , ៦.ម៉ាស៉ីនអ៊ុតកញ្ចប់កញ្ឆា ចំនួន ០៣ គ្រឿង , ៧.ថង់វេចខ្ចប់កញ្ឆា ចំនួន ៤៣៨ ថង់ , ៨.ជីម្សៅបំប៉នកញ្ឆា ចំនួន ០៨កញ្ចប់ , ០៩.ថ្នាំជ្រលក់កញ្ឆា ចំនួន ១២កំប៉ុង , ១០.ថ្នាំបាញ់ស្មៅ ចំនួន ០៤កញ្ចប់ ១១.ធុងបាញ់ថ្នាំ ចំនួន ០១ , ១២.ស្លាកលេខម៉ូតូ(វៀតណាម)ចំនួន ០២សន្លឹក , ១៣.ការុងចំនួន ១៧៦ ការុង , ១៤.អាវសម្រាប់ការពារបាញ់ថ្នាំ ១ឈុត , ១៥.ប្រអប់ជ័រដាក់គ្រាប់កញ្ឆាចំនួន ០២ប្រអប់ , ១៦.ថ្នាំប៉ូវកញ្ឆា ០១ធុង២០លីត្រ , ១៧.ថូរជ័រដាំកញ្ឆាចំនួន ៧២០ថូ , ១៨.សំឡីសម្រាប់បណ្តុះគ្រាប់កញ្ឆាចំនួន ១២កញ្ចប់ , ១៩.លិខិតឆ្លងដែនចំនួន ០៣ក្បាល , ២០.ប័ណ្ណសំគាល់ខ្លួនចំនួន ០២សន្លឹក , ២១.ឯកសារចំនួន ៤២សន្លឹក
២២. បានកាប់ដេីមកញ្ឆាស្រស់ នឹងដុតកម្ទេចចោលចំនួន ១០៦៧១ ដេីម ទម្ងន់ ១២០៥គីឡូក្រាម បច្ចុប្បន្នជនសង្ស័យទាំង២នាក់ ត្រូវបានឃាត់ខ្លួន ដេីម្បីកសាងសំណុំរឿង បញ្ជូនទៅសាលាដំបូងខេត្តមណ្ឌលគិរី ចាត់ការតាមនីតិវិធី៕
