(បរទេស)៖អ្នកដំណើរដែលមានថ្មសាកទូរស័ព្ទចល័ត ឬ Power Bank លើសពី១៦០វ៉ាត់ក្នុង១ម៉ោងនឹងមិនត្រូវអនុញ្ញាតឲ្យធ្វើដំណើរ នៅលើជើងហោះហើរដែលចេញដំណើរពីប្រទេសកូរ៉េខាងត្បូងនោះជាដាច់ខាត ចាប់ពីថ្ងៃទី១ខែមីនាឆ្នាំ២០២៥នេះតទៅ។

គួរជម្រាបថា នេះគឺជាសេចក្តីណែនាំថ្មី បន្ទាប់ពីមានករណីផ្ទុះឆេះយន្តហោះក្រុមហ៊ុន Air Busan នៅខេត្តប៊ូសាន ដោយសារសាកថ្ម Power Bank ។នេះបើតាមសេចក្តីរាយការណ៍ដោយទីភ្នាក់ងារសារព័ត៌មានCNA នៅថ្ងៃទី១៣ ខែកុម្ភៈ ឆ្នាំ២០២៥៕