អូស្ត្រាលី៖ ប៉ូលិសអូស្ត្រាលី ចាប់ខ្លួនក្រុមឧក្រិដ្ឋកម្មចិន ដែលត្រូវបានចោទប្រកាន់ពីបទលាងលុ យកខ្វ​ក់​រា​ប់រយលានដុល្លាររ តាមរយៈក្រុមហ៊ុនផ្ញើប្រាក់ដ៏ធំបំផុតមួយរបស់ប្រទេសចិន ។នេះបើ​តាម​ការចេ​ញផ្សាយដោយសារព័ត៌មានរ៉យទ័រ នៅថ្ងៃទី២៦ ខែតុលា ឆ្នាំ២០២៣។

ក្រុមឧក្រិដ្ឋកម្មរបស់ចិន ត្រូវបានចោទប្រកាន់ថាបានលាងលុយចំនួន២២៩លានដុល្លា​រអូស្ត្រាលី(១​៤​៣ លានដុល្លារ) តាមរយៈក្រុមហ៊ុនប្តូររូបិយបណ្ណ Changjiang ដែលជាក្រុមហ៊ុនផ្ញើប្រាក់ឯក​រាជ្យ​ធំបំផុតមួ​យរ​បស់ប្រទេសចិន ដែលមានហាងរាប់សិបកន្លែងនៅទូទាំងប្រទេសចន្លោះឆ្នាំ២០២០ និង២០២៣។

ប៉ូលិសបានចោទប្រកាន់ថា ក្រុមនេះបានក្លែងបន្លំប្រាក់ចំណូលនៃការបោកប្រាស់តាមប្រព័ន្ធអ៊ីនធឺណិត, ការជួញដូរទំនិញខុសច្បាប់, និងឧក្រិដ្ឋកម្មផ្សេងទៀតនៅក្នុងប្រតិបត្តិការប្រចាំថ្ងៃដែលស្របច្បាប់ ភា​គ​ច្រើនរបស់ក្រុមហ៊ុនប្តូរប្រាក់ ដែលមានតម្លៃខ្ពស់រហូតដល់១រយលានដុល្លារអូស្ត្រាលី។

ក្នុងនោះ ក្រុមប៉ូលិសបានរកឃើញថា ទៅលើការចាយវាយលើតម្លៃ​ភោជនីយដ្ឋាន​ថ្លៃៗ, យន្តហោះ​ឯក​ជន និង​ផ្ទះ​ប្រណីតៗ ដែល​មួយ​មាន​តម្លៃ​ជាង១០លាន​ដុល្លារ​អូស្ត្រាលី។ មិនត្រឹមតែប៉ុណ្ណោះ ប៉ូលិស​ក៏បានចោទប្រកាន់ក្រុមនេះថា បានទិញលិខិតឆ្លងដែនក្លែងក្លាយដែលមាន​តម្លៃរហូតដល់២០ម៉ឺន​ដុល្លារអូស្ត្រា​លីក្នុងករណីសមាជិកត្រូវការភៀសខ្លួនចេញពីប្រទេសអូស្ត្រាលី។ គួរបញ្ជាក់ថា អ្នក​ដែលត្រូវបានចាប់ខ្លួនទាំងប្រាំពីរនាក់នោះមានអាយុចន្លោះពី៣៥ ទៅ៤០ឆ្នាំ ខណៈពួក គេនឹងបង្ហា​ញខ្លួននៅក្នុងតុលាការទីក្រុងមែលប៊ននៅថ្ងៃព្រហស្បតិ៍នេះ៕