កម្ពុជាអនុញ្ញាតឲ្យភ្ញៀវបរទេសពីប្រទេសចំនួន៦រួមមាន អ៉ីរ៉ង់ អ៉ីតាលី អាល្លឺម៉ង់ អេស្ប៉ាញ បារាំង និងអាមេរិក អាចចូលមក​ប្រទេ​សក​ម្ពុជា​ឡើងវិញ។នេះបើតាមសេចក្តីប្រកាសរបស់ក្រសួងសុខាភិបាល នៅថ្ងៃទី២០ ខែឧ​សភា ឆ្នាំ២០២០នេះ ។

គ្រប់​អ្នក​ដំណើ​រទាំង​អស់ដែល​ចូលមកកម្ពុជា ទាំងជនជាតិខ្មែរ និងជន​បរទេសគឺតម្រូវឱ្យមានវិញ្ញាបនបត្របញ្ជាក់សុខភាពថាគ្មានកូវីដ១៩ ចេញដោយអាជ្ញាធរសុខាភិបាល ដែលទទួលស្គាលដោ​យរដ្ឋាភិ​បាល​នៃប្រទេសសាម៉ី ក្នុងរយៈពែល៧២ម៉ោង។បន្ថែមលើនេះ ជនបរទេសត្រូវ​មានឯកសារធានារ៉ាប់រងសុខភាពកក្នុងចំនួនទឹកប្រាក់យ៉ាងតិច៥ម៉ឺនដុល្លារក្នុងអំឡុងពេលស្នាក់នៅកម្ពុជា ។

ការអនុញ្ញាតឱ្យភ្ញៀវបរទេស មកពីប្រទេសនេះ ចូលមកកម្ពុជាឡើងវិញ ធ្វើឡើងតាមចំណារឯកភាព និងអនុសាសន៍ដ៏ខ្ពង់ខ្ពស់របស់ សម្តេច​តេជោ ហ៊ុន សែន ចុះថ្ងៃទី១៩ ខែឧសភា ឆ្នាំ២០២០ និងយោងតាម​ការវិវត្តន៍​សភាពការណ៍ នៃការរីករាលដាលជំងឺកូវីដ១៩។

គួរបញ្ជាក់ថា ជនបរទេសនៅប្រទេសទាំងនោះ ត្រូវបានរដ្ឋាភិបា​លកម្ពុជាបិទមិនឱ្យចូលមកកម្ពុជាឡើយ ចាប់តាំងពីពាក់កណ្តាលខែមីនា ឆ្នាំ២០២០ កន្លងទៅ បន្ទាប់ពីមានការផ្ទុះនូវការរីករាលដាលជំងឺកូ វីដ ១៩ កាន់តែខ្លាំងក្លា នាពេលកន្លងមក៕SP