ភ្នំពេញ ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានថ្លែងប្រកាសថា កៅអី របស់នាយករដ្ឋមន្ត្រី គឺជាកៅអីដោះស្រាយបញ្ហា ហើយកៅអី នាយករដ្ឋមន្ត្រី ក៏ជាកៅអីក្តៅផងដែរ។

ការលើកឡើងរបស់ សម្តេចមហាបវរធិបតី ហ៊ុន ម៉ាណែត នាឱកាសអញ្ជើញជាអធិបតីក្នុងពិធីចែកសញ្ញាបត្រជូននិស្សិតបញ្ចប់ការសិក្សានៅវិទ្យាស្ថានវ៉ាន់ដា នៅព្រឹកថ្ងៃទី១១ ខែមីនា ឆ្នាំ២០២៥។

តបទៅនឹងសារអំពាវនាវ របស់ក្រុមជ្រុលនិយមឱ្យពលរដ្ឋក្រោកឈរ, សម្តេចមហាបវរធិបតី ហ៊ុន ម៉ាណែត បានថ្លែងថា ប្រជាពលរដ្ឋតែងតែសម្រេចចិត្តរៀងរាល់ ៥ឆ្នាំម្តង។ សម្ដេច ថា «សូមកុំជំរុញពលរដ្ឋឱ្យក្រោកគ្រប់ពេល នៅប្រទេសប្រជាធិបតេយ្យមិនដែលរុញ ពលរដ្ឋឱ្យបះបោរក្រោយពេលបោះឆ្នោតនោះទេ»។ កៅអីនាយករដ្ឋមន្ត្រី ជាកៅអីដោះស្រាយបញ្ហា៕