អគ្គនាយកដ្ឋានអត្តសញ្ញាណកម្ម ជូនដំណឹង ស្តីពីការដាក់ឱ្យដំណើរការ ទីស្នាក់ការផ្តល់សេវាអត្តសញ្ញាណបណ្ណសញ្ជាតិខ្មែរ និងទីស្នាក់ការផ្តល់សេវាលិខិតឆ្លងដែន នៅផ្សារទំនើប អ៊ីអន៣

ភ្នំពេញ  ៖ នៅថ្ងៃទី៦ ខែមេសា ឆ្នាំ២០២៥ អគ្គនាយកដ្ឋានអត្តសញ្ញាណកម្ម ក្រសួងមហាផ្ទៃ ជូនដំណឹង ស្តីពីការដាក់ឱ្យដំណើរការ ទីស្នាក់ការផ្តល់សេវាអត្តសញ្ញាណបណ្ណសញ្ជាតិខ្មែរ និងទីស្នាក់ការផ្តល់សេវាលិខិតឆ្លងដែន នៅផ្សារទំនើបអ៊ីអនម៉ល មានជ័យ (អ៊ីអន៣)។

ដើម្បីបង្កើនប្រសិទ្ធភាពលើការផ្តល់សេវាអត្តសញ្ញាណកម្ម និងបង្ខិតសេវាឱ្យកៀកជិតប្រជាពលរដ្ឋ ស្របតាមប្រសាសន៍ណែនាំដ៏ខ្ពង់ខ្ពស់ ប្រកបដោយគតិបណ្ឌិតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា, ក្រសួងមហាផ្ទៃ ដែលមានអគ្គនាយកដ្ឋានអត្តសញ្ញាណកម្ម ជាសេនាធិការ បានសម្រេចដាក់ឱ្យដំណើរការទីស្នាក់ការផ្តល់សេវាអត្តសញ្ញាណបណ្ណសញ្ជាតិខ្មែរ និងទីស្នាក់ការ ផ្តល់សេវាលិខិតឆ្លងដែននៅផ្សារទំនើបអ៊ីអនម៉ល មានជ័យ (អ៊ីអន៣) ចាប់ពីថ្ងៃផ្សាយដំណឹងនេះតទៅ៕