ឧបនាយករដ្ឋមន្រ្តី ស សុខា ប្រគល់ភារកិច្ចជូនលោក កែវ វណ្ណថន រដ្ឋលេខាធិការទទួលជួយរដ្ឋមន្រ្តីលើការងារសន្តិសុខ ការងារអនុវត្តច្បាប់ បង្ការទប់ស្កាត់ និងបង្ក្រាបបទល្មើសឆ្លងដែនគ្រប់ប្រភេទ និងការងារនគរបាលអន្តរជាតិ
16 ម៉ោង មុន
ភ្នំពេញ ៖ លោកឧបនាយករដ្ឋមន្រ្តី ស សុខា និងជារដ្ឋមន្រ្តីក្រសួងមហាផ្ទៃ បានចេញសេចក្ដីសម្រេចប្រគល់ភារកិច្ចជូនលោក កែវ វណ្ណថន រដ្ឋលេខាធិការក្រសួងមហាផ្ទៃ ទទួលបន្ទុកជួយរដ្ឋមន្ត្រីលើការងារផែនសន្តិសុខ ការងារកិច្ចសហប្រតិបត្តិការអនុវត្តច្បាប់រវាងក្រសួងមហាផ្ទៃជាមួយបណ្តាប្រទេស និងស្ថាប័នអនុវត្តច្បាប់អន្តរជាតិ ការងារបង្ការទប់ស្កាត់ និងបង្ក្រាបបទល្មើសឆ្លងដែនគ្រប់ប្រភេទ និងការងារនគរបាលអន្តរជាតិ។
ក្រៅពីភារកិច្ចដូចបានចែងខាងលើ លោក កែវ វណ្ណថន រដ្ឋលេខាធិការ ត្រូវបំពេញភារកិច្ចផ្សេងទៀត តាមការប្រគល់ភារកិច្ចរបស់រដ្ឋមន្ត្រី៕
