នៅថ្ងៃទី១១ ខែសីហា ឆ្នាំ២០២០ តាមការចង្អុលបង្ហាញពី ឯកឧត្តម នាយឧត្តមសេនីយ៍  មៀច សុផាន់ណា រដ្ឋលេខាធិកា រ ក្រសួងមហាផ្ទៃ  និងជាប្រធានគណៈកម្មាធិការប្រយុទ្ធប្រឆាំងផលិតផលក្លែងក្លាយ (គ.ប.ផ.ក) បានចាត់ លោកតាន់ សុខវិជ្ជា ប្រធានលេខាធិការដ្ឋាន  នៃ  គ.ប.ផ.ក  ដឹកនាំក្រុមការងារអន្តរក្រសួង ក្រោមការសម្របសម្រួលពីលោក សាយ ណូរ៉ា ព្រះរាជអាជ្ញាររង នៃអយ្យការអមសាលាដំបូងរាជធានីភ្នំពេញ បានចុះប្រតិបត្តិការបង្ក្រាបបទល្មើសលួចផលិតបារីពុំមានច្បាប់អនុញ្ញាត  និងក្លែងម៉ាកសញ្ញាខុសច្បាប់ មួយកន្លែងនៅភូមិសាស្រ្តសង្កាត់ចោមចៅ៣  ខណ្ឌពោធនិ៍សែនជ័យ រាធានីភ្នំពេញ ។ 

ជាលទ្ធផលសមត្ថកិច្ចបានរកឃើញ វត្ថុធាតុដើមក្លែងការផលិត ម៉ាស៊ីនផលិតខ្នាតធំ  និងបារីផលិតរួចត្រៀមបញ្ជូនចេញសរុបចំនួន២៥តោន  ហើយបានឃាត់ខ្លួនជនសង្ស័យពាក់ព័ន្ធជាជនជាតិបរទេសចំនួន១៨នាក់ (ចិន១៥នាក់ និងវៀតណាម៣នាក់) ដែលមានមេក្លោងជាជនជាតិចិន០១នាក់។ ក្នុងការចុះប្រតិបត្តិការបង្ក្រាបនេះ ធ្វើទ្បើងក្រោយពីគណៈកម្មាធិការប្រយុទ្ធប្រឆាំងផលិតផលក្លែងក្លាយ ទទួលបានពាក្យបណ្តឹង របស់ក្រុមហ៊ុន  SHANGHAI TOBACCO GROUP CO., LTD. ។ 

ដោយឡែកនៅព្រឹកថ្ងៃទី១៤ ខែសីហា ឆ្នាំ២០២០ គណៈកម្មាធិការប្រយុទ្ធប្រឆាំងផលិតផលក្លែងក្លាយ បានកសាងសំណុំរឿង និងបញ្ជូនជនបរទេសទាំង១៨នាក់(ប្រុស) ទៅអយ្យអមសាលាដំបូងរាជធានីភ្នំពេញ ដើម្បីបន្តនីតិវិធីច្បាប់នៃព្រះរាជាណាចក្រកម្ពុជា៕SP