ប៉ាឡេស្ទីន៖ ក្រសួងរតនាគារសហរដ្ឋអាមេរិកបានដាក់ទណ្ឌកម្មលើបុគ្គលចំនួន ៩ នាក់ នៃក្រុមអ៊ីស្លាម និយមប៉ាឡេស្ទីន Hamas និងការផ្លាស់ប្តូររូបិយប័ណ្ណគ្រីបតូ ដែលមានមូលដ្ឋាននៅហ្គាហ្សា ។

ក្រសួងបានប្រកាសថា ការដាក់ទណ្ឌកម្មកំណត់គោលដៅទៅលើមន្ត្រីជាន់ខ្ពស់របស់ហាម៉ាស និងសមាជិកផ្សេងទៀតដែលគ្រប់គ្រងទ្រព្យសម្បត្តិនៅក្នុងផលប័ត្រវិនិយោគរបស់ហាម៉ាសសម្ងាត់ ក៏ដូចជាការផ្លាស់ប្តូររូបិយប័ណ្ណនិម្មិតដែលប្រើសម្រាប់ការផ្ទេរប្រាក់ និងគោលបំណងផ្សេងទៀត។

រដ្ឋមន្ត្រីក្រសួងរតនាគារសហរដ្ឋអាមេរិកលោកស្រី Janet Yellen បាននិយាយនៅក្នុងសេចក្តីប្រកាសថា យើងនឹងបន្តចាត់វិធានការទាំងអស់ដែលចាំបាច់ដើម្បីបដិសេធពួកភេរវករ Hamas នូវសមត្ថភាព ក្នុងការរៃអង្គាស និងប្រើប្រាស់មូលនិធិដើម្បីអនុវត្តអំពើឃោរឃៅ និងធ្វើភេរវកម្មដល់ប្រជាជន អ៊ីស្រាអែល។

ក្រសួងបាននិយាយនៅក្នុងសេចក្តីប្រកាសថា បន្ថែមពីលើមូលនិធិដែលក្រុមហាម៉ាសទទួលបានពី ប្រទេសអ៊ីរ៉ង់ ផលប័ត្រនៃការវិនិយោគជាសកលរបស់ក្រុមនេះ បង្កើតប្រាក់ចំណូលយ៉ាងច្រើន តាមរយៈទ្រព្យសម្បត្តិរបស់ខ្លួនដែលមានតម្លៃរាប់រយលានដុល្លារ។

សូមបញ្ជាក់ថា ក្រុមហ៊ុននៅក្នុងប្រទេសស៊ូដង់ អាល់ហ្សេរី ទួរគី អារ៉ាប់រួម និងប្រទេសផ្សេងទៀត បានគ្រប់គ្រងមូលនិធិក្រោមរូបភាពនៃអាជីវកម្មស្របច្បាប់។សកម្មភាពគឺជាផ្នែកមួយនៃកិច្ចខិតខំប្រឹងប្រែងបន្តរបស់សហរដ្ឋអាមេរិកដើម្បី លុបបំបាត់ប្រភព ចំណូលរបស់ក្រុមហាម៉ាស៕