ហុងកុងពន្យាពេល ជ្រើសរើសមេដឹកនាំថ្មី ចំពេលមានការផ្ទុះឡើង នៃជំងឺកូវីដ១៩ ហើយគ្រោងនឹង ធ្វើតេស្តជាកំហិតទូទាំងទីក្រុង
ហុងកុង៖ ទីក្រុងហុងកុងបានឲ្យដឹង ខ្លួននឹងពន្យារពេលការជ្រើសរើសមេដឹកនាំថ្មី ដើម្បីត្រៀមធ្វើតេស្តកូវីដ១៩ដល់ប្រជាជនរបស់ខ្លួនទាំងអស់ ខណៈដែលទីក្រុងនេះជួបបញ្ហាក្នុងការដោះស្រាយបញ្ហារលកឆ្លងថ្មីនៃជំងឺកូវីដ១៩។ នេះបើតាមសេចក្ដីរាយការណ៍របស់ទីភ្នាក់ងារព័ត៌មាន Hong Kong Free Press។
មេដឹកនាំបច្ចុប្បន្ន គឺអ្នកស្រី Carrie Lam បានប្រកាសកាលពីថ្ងៃសុក្រថា ការជ្រើសរើសមេដឹកនាំថ្មីនេះនឹងត្រូវពន្យារពេលដល់ថ្ងៃទី៨ ខែឧសភា ដោយសារទីក្រុងហុងកុង បច្ចុប្បន្នកំពុងមានការផ្ទុះឆ្លងជំងឺកូវីដ១៩ដ៏ធ្ងន់ធ្ងរបំផុត ដោយមានករណីឆ្លងរាប់ពាន់ករណីក្នុងមួយថ្ងៃ ហើយមន្ទីរពេទ្យនានាមានអ្នកជំងឺច្រើនរកកន្លែងដាក់មិនបាន ចំណែកឯគោ ល នយោបាយតម្រូវឲ្យគ្មានកូវីដរបស់ចិនវិញកំពុងតែបរាជ័យ។
អ្នកស្រីបានថ្លែងប្រាប់អ្នកសារព័ត៌មានថា៖ «ការសម្រេចនេះគឺដោយសារតែទីក្រុងហុងកុងប្រឈមនឹងស្ថានភាពធ្ងន់ធ្ងរបំផុត ចាប់តាំងពីការរាតត្បាតជំងឺកូវីដ១៩បានចាប់ផ្ដើមកាលពីពីរឆ្នាំមុនមក។ វាស្ថានភាពធ្ងន់ធ្ងរណាស់នៅពេលនេះ»។
ដោយឡែក អនុប្រធានគណៈកម្មាធិការអចិន្ត្រៃយ៍សភាប្រជាជនហុងកុង លោក Tam Yiu-chung បានអំពាវនាវឱ្យការបោះឆ្នោតនាយកប្រតិបត្តិត្រូវបានពន្យារពេល ដោយសារការផ្ទុះឡើងនៃ Covid-19 ដោយបានច្រានចោលសំណួរអំពីការព្រួយបារម្ភផ្នែកច្បាប់ថា "មិនចាំបាច់ព្រួយបារម្ភអំពីវាទេ។ … រឿងទាំងនោះមិនសំខាន់ទេ។ និតិវិធីច្បាប់… គ្មានបញ្ហាទេ។ វានឹងត្រូវធ្វើឡើងស្របតាមរដ្ឋធម្មនុញ្ញ ច្បាប់មូលដ្ឋាន នីតិវិធី និងបទប្បញ្ញត្តិត្រឹមត្រូវ៕SP
