អង់គ្លេស៖ ព័ត៌មានដែលម្ចាស់ក្សត្រី Elizabeth របស់ចក្រភពអង់គ្លេសបានធ្វើតេស្តវិជ្ជមានលើជំងឺកូវីដ ១៩ បានទាក់ទាញការភ្ញាក់ផ្អើល ក្តីបារម្ភ និងសារនៃសុច្ឆន្ទៈពីទូទាំងប្រទេសកាលពីថ្ងៃអាទិត្យ ដោយអ្នកនយោបាយ និងសាធារណជនចង់ឱ្យម្ចាស់ក្សត្រីព្រះជន្ម ៩៥ ព្រះវស្សានេះជាសះស្បើយឡើងវិញ។

អ្នកសួរសុខទុក្ខពីរបីនាក់បានប្រមូលផ្តុំគ្នានៅក្លោងទ្វារ Windsor Castle ជាកន្លែងដែលព្រះមហាក្សត្រិយានីកំពុងទទួលការព្យាបាលវេជ្ជសាស្ត្រសម្រាប់រោគសញ្ញាស្រាល។ អ្នកផ្សេងទៀតបានចូលអ៊ីនធឺណេតដើម្បីបង្ហាញពីការគាំទ្រ ហើយផ្ទាំងសារនៅទីក្រុងឡុងដ៍ក៏បានជំរុញឱ្យព្រះមហាក្សត្រ "ទទួលយកវាដោយងាយស្រួល" ។

គួរបញ្ជាក់ផងដែរថា មនុស្សជាច្រើនបាននិយាយថា ពួកគេមានការព្រួយបារម្មណ៍ចំពោះព័ត៌មាននេះ បន្ទាប់ពីព្រះមហាក្សត្រដែលសោយរាជ្យយូរជាងគេបំផុតលើពិភពលោកបានដកខ្លួនចេញពីព្រឹត្តិការណ៍ល្បីៗជាច្រើន ហើយបានចំណាយពេលមួយយប់នៅក្នុងមន្ទីរពេទ្យកាលពីខែតុលាឆ្នាំមុន ដោយបញ្ឆេះការភ័យខ្លាចអំពីសុខភាពរបស់ម្ចាស់ក្សត្រី។ NR