ចិន៖នៅដើម ឆ្នំា២០២៣នេះ​វេជ្ជបណ្ឌិតជាន់ខ្ពស់មួយរូបនៅឯមន្ទីរពេទ្យឈា​នមុខគេមួយកន្លែ​ងប្រចំានៅ​ក្នុងទីក្រុ​​ងសៀងហៃបានលើកឡើងថា ចំនួន៧០% នៃប្រជាពលរដ្ឋដែលរស់នៅក្នុងទី​ក្រុងសៀ​ងហៃអា​ច​ឆ្លង​​នូវជំងឺកូវីដ-១៩ អំឡុងករណីនៃការរាតត្បាតបានផ្ទុះឡើងខ្លំាងនៅក្នុងប្រទេសចិន​។នេះបើតាម​ការចេ​ញផ្សាយដោយសារព័ត៌មានBBCនៅថ្ងៃទី ៤ ខែមករា ឆ្នាំ២០២២។

លោកវេជ្ជបណ្ឌិត Chen Erzhen ជាអនុប្រធានមន្ទីរពេទ្យរ៉ូជីន ហើយក៏ជាសមាជិកនៃក្រុមប្រឹក្សាអ្ន​កឯ​កទេសកូវីដ១៩ របស់ក្រុងសៀងហៃ បានធ្វើការប៉ាន់ប្រមាណថា ចំនួនប្រជាពលរដ្ឋ២៥លា​ននាក់នៅក្នុ​ងទីក្រុងអាចនឹងឆ្លងនូវជំងឺកូវីដ-១៩។ការឆ្លងរីករាលដាលខ្លំាងនេះ បានកើតមានឡើង បន្ទាប់ពី​ប៉ុន្មាន​ឆ្នំានៃការរឹតបន្តឹងហ្មត់ចត់ លុះបន្ទា​ប់មកទៀតបា​នបន្ធូរបន្ថយកាលពីខែមុន ជាហេតុបង្កឱ្យខ្វះខាត​នូវភា​ពប្រុ​ងប្រយ័ត្នខ្ពស់ជាហេតុ​នំាឱ្យមា​នការផ្ទុះឡើងយ៉ាងឆាប់រហ័សនៅពាសពេញមន្ទីរពេទ្យ និងទីបូជាស​ព។

លោកបានរៀបរាប់ប្រាប់ដល់បណ្តាញផ្សព្វផ្សាយចិនឈ្មោះ People's Daily ថា ឥឡូវនេះកំពុងតែរាត​ត្បា​ត​នៅក្នុងទីក្រុងសៀងហៃយ៉ាងទូលំទូលាយ អាចនឹងកើនឡើងដល់៧០%នៃចំនួនពលរដ្ឋសរុប មានន័យថា បានកើនឡើងដល់ទៅចាប់ពី២០ ទៅ៣០ដងខ្ពស់ជាងកាលពីខែមេសា និងខែឧសភា។

ទីក្រុងសៀងហៃបានរងនូវការរឹតត្បឹតតឹងតែងបិទខ្ទប់ចាប់តំាងពីខែមេសា ជាហេតុនំាឱ្យអ្នកស្រុ​កឆ្លងបា​នកើ​នឡើងដល់ទៅ៦សែននាក់ និងរាប់សែននាក់ផ្សេងទៀតត្រូវបា​នដាក់ឱ្យស្ថិតនៅឯមជ្ឈមណ្ឌ​ល​ចត្តាឡីស័កផងដែរ។

 គួររំលឹកដែរថា មានប្រទេសជាច្រើនរាប់បញ្ចូលទំាងសហរដ្ឋអាម៉េរិកជាដើមបានលើកឡើងថា រដ្ឋធានី​ប៉េកំា​ងខ្វះតម្លាភាពនៃការបង្ហាញទិន្នន័យឆ្លងកូវីដ-១៩ ដែលជាហេតុនំាឱ្យមានហានិភ័យថ្មី​ចេញ​ពីកា​របំប្លែ​​ងវីរុសថ្មីៗទៀត។ ប្រទេសចិនធ្លាប់បានលើកឡើងថា ចាប់តំាងពីខែធ្នូឆ្នំា២០២២នោះមក មានម​នុស្សស្លាប់ដោយសារតែកូវីដ-១៩ ត្រឹមតែ២២នាក់ប៉ុណ្ណោះ៕