ចិន៖ ប្រទេសចិនបានដកការរឹតត្បិត លើការធ្វើដំណើរទៅបរទេស ដោយបញ្ចប់លក្ខខណ្ឌនៃការដាក់ឱ្យនៅដាច់ពីគេសម្រាប់អ្នកដំណើរដែលចូលមកក្នុងប្រទេស។នេះបើការចេញផ្សាយដោយសារព័ត៌មានAljazeeraនៅថ្ងៃទី ៨ ខែមករា ឆ្នាំ២០២២។

អ្នកដំណើរដំបូងគេដែលមកដល់ក្រោមច្បាប់ថ្មីបានចុះចតនៅអាកាសយានដ្ឋានក្នុងទីក្រុងភាគខាងត្បូងនៃទីក្រុង Guangzhou និង Shenzhen នៅពាក់កណ្តាលអធ្រាត្រថ្ងៃអាទិត្យ នេះបើយោងតាមបណ្តាញទូរទស្សន៍សកលរបស់រដ្ឋចិន (CGTN) ។

របាយការណ៍បានរាយការណ៍ថា អ្នកដំណើរ ជិត៤០០នាក់នៅលើជើងហោះហើរពីសិង្ហបុរី និងតូរ៉ុនតូ របស់ប្រទេសកាណាដា មិនត្រូវបានទទួលរងនូវការធ្វើតេស្ត COVID-19 នៅពេលមកដល់ប្រទេសចិននោះទេ ហើយមិនត្រូវឆ្លងកាត់ការនៅដាច់ដោយឡែករយៈពេលប្រាំថ្ងៃផងដែរ។

ការបន្ធូរបន្ថយការទប់ស្កាត់លើការធ្វើដំណើរទៅបរទេសជាការដោះស្រាយចុងក្រោយនៃគោលនយោបាយ «សូន្យកូវីដ» ដ៏តឹងរ៉ឹងរបស់ប្រទេសចិន។

សូមបញ្ជាក់ថា បើទោះបីចិនមិនធ្វើតេស្តកូវីដ១៩ ចំពោះអ្នកដំណើរបរទេសដែលចូលមកក្នុងប្រទេសខ្លួនក្តី ប៉ុន្តែការកើនឡើងនៃករណីឆ្លងកូវីដ១៩ ក្នុងប្រទេសចិន បាននាំឱ្យប្រទេសជាង 11 កំណត់ការធ្វើតេស្ត COVID-19 ចាំបាច់លើអ្នកធ្វើដំណើរមកពីប្រទេសចិន ដោយលើកឡើងពីការព្រួយបារម្ភអំពី ការឆ្លង និងការស្លាប់ដោយសារជំងឺកូវិដ១៩នៃប្រភេទរងថ្មី និងសាហាវជាងមុន៕